إلى من هو دون الخمسين عام
لاتقرا هذي القصه ابدا وحاول الأبتعاد عنها
واللي عنده اطفال يوخرهم واللي عقله خفيف
يفلح يدوله ضيعه ......


روية ((((((حنش والديك ))))))

اصبحنا واصبح الملك لله
اصبحنا والديك مااذن وافلحنا عن المذن
ولقينا الديك متبركا له بسه صغيره سودان
ولاالديك متلزما فيها تقولنها دجاجه على حبه فيها
حل ياديك الهمجه
ولاياناس البسه ماتقول ماو
حيلي ياحوته عن الديك ولا حتى حوته تفلج منظرها
ويجي حنش ويخبطها برجله انتي ياحوته
وتنقز الحوته وتتلزم في حنش حيلي يابقعا
إلا ماطراها الى انها تلزم في كراعيه
وكان معي مقلميه حادنها على ذيك المروه البيضا
واخذ المقلميه واغيبها في جنب البسه ولا هي
تون وعيونها تقولنها نجمه والعه فيه وتبرتك بشفيفها
انا قلت ياولد لايكنها جنيه اجل ماباخاف وازيد ادقها
بذيك الهرواه في راسها وتموت واخذها وارميها في البير
المهم شويه ولا الكهله تدعينيه تقول ياحنش هاك
الفطور وافلح الدار عند خالتك مريضه اعطها الفطور
وسلم عليها وقلها اميه بتجيك بعد شويه
واخذ ذيك الفته وطبخة بن واظهر الدار بها
ومقلميتيه ذيك معيه ودم البسه يبس فيها
المهم اني تعبت واقعد استريح شويه
وانا تحت حماطه مامثلها في وديان زهران كلها
واقعد شويه ولا ذاك الداب راميا نفسه من الحماطه
وانا اقوم ماهو خوفا من الداب إلا رهبه جت في نفسه
لأول مره في حياتيه وانا اقوم مثل المقروص والقي
بيت واحدا من الجماعه كان قريبا من الحماطه
وانا في خوف والداب ورايه واحس انها يطير
وانا التفت له وازيد المح الدرب وشويه وشويه
واطيح في بير اسمها بير السليله وانا اطيح فيها
وتظلم على الدنيا وانا وسط البير وشويه والى الداب منكفت
عليه وانا ادرق ورا صفا كان اسفل البير ويوم جيت ادس وجهيه
عن الداب ولا البسه ذيك لاصقه في الصفا وعينها فيه ودمها
يقطر على الصفا ولونه اسود وعيونها تلمع وانا من الخوف خرجت
واطيح قاع البير ولا هو ذاك الداب احس انه في ظهريه
وانا اصيح باعلى صوت يانااااااااااااااااااااااااااااااااااااااااااااااااااس
واسمع تردد صوتيه في البير على انه صوت افعى تضحك
ايوه كذا حححححح ح ححححححح ححححححححح
وكلما صحت يزيد الصوت الين تبلكمت مره ودخت وطحت
على ظهريه في البير والبير هذي ماحد يستقي منها
لإنها محروسه من الجن بسم الله الرحمن الرحيم
ايووووووووووووووه وانا ماعد اقدر اتكلم واحس ان ريقيه نشف
واشرب من الما اللي في قاع البير ويوم شربت ولا هو دم
دم اسود وانا على ظهريه ويوم اشبح علو البير ولا البسه
ذيك عيونها في عيونيه وتقطر الدم في فميه
وانا احط احط وجهيه في قاع البير واتنفس كل شويه
وشويه ياجماعة الخير
يطيح فوقيه ولاادري على اي جهه لإني سرت كلما
التفت في جهه القا البسه ساده المكان
ويطيح عليه غرب كبير وانا اركب فيه
وشويه وإلا انا خارج من البير ويوم طلعت ولا القى
وادي محروق وياكثر شجر الزقوم والطلح والقطبه
والعقش والسوسي والشيّوخ وام اللحم والثفره
والمجيدله وهذا كله شوك من جميع الأشكال
وانا احاول ابتعد عن البير والشوك يغرز في رجليه
وانا اصيح الين اطيح في وادي كله كادي وريجان
لكنه ريحته جيفه وفيه نهر مويه اسود وانا اجيك
اشرب من الما على وجهيه والوضع هادئ ماتسمع
إلا الفحيح والنعيق ولاشئ ضفادع وشويه
واحس ان جسمي يرتجف وكل ماشربت من الما زاد
اانا اقوم ولا في وجهي رجال كبير السن وعليه ثياب
سود ووجهه عادي لكنه متطوي واخذني قال لاتخاف
ياولديه تعال معيه
وانا احاول اني اصيح لكن مااقدر اتكلم ولااصيح
واهز راسي وهو يمسكنيه ويقول تعال في بيتي
وهو يسحبني ونرجع من طريق الشوك ذاك لكنه
مر من طريق كله ورد وريحان لكن الريحه جيفه
وانا بصري شاحب وقلبي يكاد ((حلوه يكاد))انه يخرج
من صدريه ولسانيه يكاد انه ينقص من الصياح اللي
في صدريه
وشويه ونوصل بيته وهو عريش صغير ويخجون اولاده
ويرحبون بيه وتخرج مره جميله وانا حقيقه شفتها وارتحت
ويوم ارتحت وينحرق العريش ويختفي الشيبه والأولاد ذوليك
ولم يبقا إلا هذيك البنت ومعها طاسة
المهم اني كنت عطشان جدا ولااقد اتكلم وعرفت اني ابغى
اشرب واعطتني الطاسه وقالت اشرب ياولد
وانا امسك الطاسه ولا فيها شعر وكني طنيته قالت
لاتخاف هذا زعفران من وادينا
والمهم شربت الما هذاك ويوم شربته واناانطق وبدت
حياتي الطبيعيه ترجع لي وفجاه وبدون متقدمات
اختفت البنت لكنها تركت منديلها وانا اخذ المنديل وقريت
اللي فيه وكان على المنديل
(((ياولد هذا الماء اللي شربته بامكانه ان يجعلك
شاعر او مداوي او مجنون ولك ان تختار بينها
ولكن بشرط ان تذهب إلى الغار الذي تبعث منه الريحة
التي اروحت بالوادي كله حيث بتلقى هناك حماره حرجه
كل مااستطعت من لحمها واشرب مااستعطت من دمها
بعد ذلك بيتحدد وش بتكون وبترجع لإهلك لكن احذر
النسور اللي في الجبل لإنها تدور على هذي اجيفه ))
وذهبت انا إلى ذاك الغار المظلم وكل ماالريحه تزداد
ووصلت لباب الغار وكنت باموت من العطش واشوف
الجيفه وحاولت اني اكل منها واشرب لكني ماقدرت
وحاولت لكن ماقدرت وشويه ولانفس البنت تجيني وتقول
ياحنش اما تاكل او تصبح مجنون
المهم بعد التهديد اكلت منها وشربت من دمها
وبعدها من شدة الريحه اغمي علي وماقمت
إلا في بيت اهلي في ديرتي واهلي حولي يبكون
قالوا ابغيت تموت ياحنش اسم الله عليك
قلت وشبكم قالوا انت وش وداك عند الديك في المغرب
ماتدري انها حزة ..................
المهم اني فرحت بذلك لكن بقي تساولات كثيره
رجنا عند العريفه
وسالناه
وقال انت ياحنش كنت محموم وتهيالك ان المغرب سار
ضحى وقمت تبغي تضرب الديك وتهيالك ان فيه بسه
عنده والصحيح انه كان في المغرب وكان راقد والبسه
كان عباره عن سطل اسود فيه ما كان يشرب منه الديك
واما يوم تحسب ان امك تدعيك فهذا كذب من الجن عليك
وانت تراك طحت في قفص الدجاج وتحلمت بذاك الحلم
لكن تونا درينا عنك والحمد لله على السلامه
وعلمتهم انا عن الحلم قالوا هذا كذب ياحنش
لكن انا مصدق ان في ناس حصلت لهم هذي القصه كامله
ولاتقولون حنش ماصدق
قلوا حنش كذب واخس كذبه

على العموم هذي قصه من نسج الخيال
ولاتخافون وسموا بالرحمن وترا في بعض اطراف هذي
القصه حقيقه
وصلوا على النبي والله الله في ذكر الله
ولاإله إلا الله محمد رسول الله .


ا