يا أخوان هذي آخر موديل لنظام المرور بالسعوديه اقرو بنفسكم ..

1.الأفضلية دائما للسيارة الأكبر حجما، فكلما كبر حجم سيارتك كلما كانت لك الأفضلية في فعل ما تشاء
2. عند الدوارات أو التقاطعات فإن الأفضلية لمن يدخل مقدمة سيارته أولا.
3. إشارة المرور ما وضعت إلا لكي تقطع ! وإلا فماذا سيقطع الناس لو لم توجد إشارات المرور ؟
4. استح على وجهك وخلك رجال ولا تربط حزام الأمان لا يضحكون عليك الناس ويقولون مصدق نفسه !! اسقط من اليمين ومن اليسار وما عليك من أحد..
5. السرعة القصوى في الشوارع، هذي ما وضعت لك هذي وضعت للي سياراتهم ما تقدر تسرع .. أما آنت فادعس بنزين لين الآخر 6. الحين من قالك آن أعلى سرعة تقدر توصلها هي 120 ؟ يعني اليابانين والأمريكيين والألمان يتعبون أنفسهم ويحطون سيارات بسرعة 200 و220 ليه ؟ بتصير أحسن منهم ؟
7. لا تدق إشارة قبل ما تلف .. ترا ما يدق إشارة إلا الخوافين والسواقين بس !
8. امسك المسار الأيسر .. واللي يرفض انه يفتح لك لزق صدامك بصدامه .. لين يخاف ويفتح.
9. المراية اللي قدامك ما وضعت إلا عشان تشخص فيها.. وماله داعي انك تناظر فيها اللي وراك.
10. إذا كنت مروق ذاك اليوم .. امسك المسار الأيسر وامش 80 واللي مو عاجبة يشرب من البحر.
11. خط المشاة ؟!!! وش هو خط المشاة ؟ أصلا وشوله يمشون ؟ مافية ليموزينات ؟
12. ترا اللي خططوا المسارات ما عندهم سالفة.. فآنت امش في الشارع بالشكل اللي تبيه.. لو في النص بين مسارين.. أهم شيء ما يتعكر مزاجك . إشارة "قف" !!!!! أقول تراكم مصدقين أنفسكم من جد !
14. اثنين أحذر منهم .. خط البلدة .. والليموزين. فعندهم القدرة العجيبة على نقل سرعة السيارة من 120 إلى صفر في خلال ثانية وذلك إذا شافوا زبون واقف على الشارع ويأشر لهم !
15. أهم حاجة انك تكون مثقف، فما فيه أي مانع انك تقرأ جريدة أو أي ورقة وأنت تسوق.. أحسن من انك تطالع الأزفلت الأسود