ياسلامي عليكم
اوكيف حالكم يارفاقه
اشتقنا لكم والله
انا حقيقه هذا الموضوع بيكملي 800مشاركه
قلت خل اخليه مميز شويه مميز عنديه
ولاعندكم مدري يمكن مايعجبكم

السوال هو

إذا جاك شخص يسولف وحسيت انه يكذب
وش تسوي له رغم ان السوالف موجه لك
وهذا الشخص انت ماتمون عليه
يعني سواليف
في هذي الحاله انت وش تسوي ؟؟؟

انا حقيقه سالت هذا السوال على ناساً كانوا
معيه اليوم في الحاره وقاموا يجابوبون
لكن اغلب اجوبتهم كلام يعني ماشئ فعل

واحداً يقول
اقعد ادق عليه في الكلام واساله عن كل شئ
في سالفته واحاول اني انسجم معه باستهبال
يعني يقول اللي يسولف عليك ((والله ومسكتنا الشرطه))
وش يرد يقول يقول لا ياشيخ في ذمتك مصيبه هذي
يعني تحسسه

وواحداً قال
اخليه الين يخلص وازيد اصفقه بسالفه كماها واسوي
فيها كذبه كبيره مره مره يعني اخلي هذي السالفه
خرافيه ونفس صياغة سالفته
وبالتالي هو يفهم انه يعرف انك تتهزا به وينكتم

اما واحداً يقول
انا باخليه يتهرج ويسولف وانا كني مااسمعه والتهي باشياء
يعني هو يسولف وذاك يقول ياخي شف فلان
يعني يحسسه انه ماهو مهتم

اما حنش تدرون وش يقول
يقول ياعمي وياسيدي
اخليه يسولف ويكفح اللي في راسه كله
وعلى ذيك المره وشرهتك من زاد تهرج معه
ولاسولف معه وكلما جا يسولف افلح عنه وخله للصواقع

وانتبهوا
ترا الشخص اللي يسولف لكم ماتمونون عليه
يعني معرفة سطحيه وشخص مابيند وبينه ياكذاب
ولا لواني امون عليه
كان اقول هاتبق منها الله يبقي في عمرك يعني ينقص منه
ولا اقول حل عنيه في سعة الله الله ينبزك ويخذلك في ذا الكذاب



هيه وش ردكم وابغا الكلام اللي تقولونه تطبقونه

وفي سوال ثاني



واحد يقولي ياخي والله الواحد لازم يكذب
لويعني بس شئ بسيط خاصه في السوالف اللي
نسيها بالتفصيل فيذكرها بطريقه اخرى

وعاد علقوا على الموضوع الله يعافيكم.