سلام عليكم
الله الله الله الله الله الله
انه يعيد عليكم السنين والأعياد وانتم بخير وصحه وعافيه
دايمه وستر دايم ورزقاً عاماً وحياتاً سعيده وذريه صالحه
وقوه وحيل على الدوم وكل حال الله يجعلكم في عيدكم هذا
كتابة الصالحات وطوال الأعمار ويكتبلكم الجنه والفردوس
عند ربنا ويجعلنا ولكم الغنيمه والغلبه في كل شئ
وامة الأسلام والمسلمين وجميع من يقرا ومن يقول
ويرحم امواتنا وامواتكم ويشفي مرضانا ومرضاكم
ويستر علينا وعليكم
واسالوا الله الستر ياجماعه ترا الستر مهم في الزمن هذا
وكل زمان واعلموا ان اللي تسوونه في الناس بيسير فيكم
سوا خير او شئ واياكم والتكبر والغرور تراه مذله ماهو عزه وغلبه
واياكم والحسد والعينه الحاره والطمع والمطاوله تراها تضيع ماجمع

والله يعطيكم العافيه
.
قلنا نعايد عليكم ونشوف اخباركم
وان الله يااخوان اننا نعرفكم اكثر
ويكون بيننا العيد ونحر العيد
لوماهلا الكبده والكرشه والمعيان نسويها مقلقل
وذاك الخبز والشاهي واضرب الين قعر اذانيك
وفي الغدا
يجيك اللحم مع وافر الرز وطيب المندي
واضرب الين تظلي شدوقك متفاصخه من التمشش فوق الضلعان
وفي العشاء ويسامع الصوت وياقراي الكلمه
ذاك المشوي مع حصيل الرز الملذلذ على الحطب
وذاك العسل مع المشوي وذيك الطحينه
هم اضرب واضرب واضرب الين تجتمع فيك خصايص
الشباعه من الشدق والانتفاخ والخمول وكثر الكلسترول

هم تعال اسمر عند ذاك النعناع والشاهي
وعند ذيك المله وذاك الجمر اللي ضيته تفقع
وجب السواليف والهروج وإن نقصت ورد الكذاب وصدر الكذاب
وطول ياليل وورد ياعلم القصايد والشعر والغزل وهلم جراً
الين يظهرالصبح
وحط الراس وارقد متكعفل في ذيك الفروه
الين ياذن الظهر وزد قم وارقد ويالله
طول ايام الأجازه واما رجعت البيت ولاسيرت على المستشفى
تقعد كم يوم من كثر الذبايح واللحم والشحم والدسم وقل الحركه
...........

واللهم صلي على محمد
هذا علمنا دار بيننا واسالوا عما تحبون وتاليها بقاكم .