اليكم هذه الملامسه الاولى لهذا المنتدى الجميل

صاحب الجود تكفى لا تزيد العطايــا
فـانّ زود العطايـا جايبه لك قهـر

اذكر اني نهر والنـاس حولي ضمايـا
صرت كني ضما والناس حولي نهر

آخـرالطيب نيـّه تشتكي للنّـوايــا
مـابنيته بعمـرك ينهـدم في شهـر

اسأل الّلي جعل من مغفرته الخطايــا
واسأل اللي منح للنـوم وقت السّهـر

واسـأل الّلي جعل محبوبته للهدايــا
واسـأل اللي نصيب السرّ عنده جهر

واسأل اللي جعل من تضحياته حكايـا
واسـأل اللي يعايش طيب منه اشتهر

ذا الزّمان أصبح الظاهر يخاف الخفايا
وأصبح الفجر يشبه وقت عزّ الظهـر

الـوجوه أصبحت تعكس جمال المرايا
عاش وقت الذبول ومات وقت الزّهـر

وش بقى من بقايا الوقت غيـر البقايا
حاضر ٍعاش يرثي ماضي ٍ مزدهـر

أفضل الناس ميّت عاش بعد المنايـا
واسؤا الـناس عايش مات طول الدّهر


عيدان الكناني(الباحه)n7oooool@hotmail.com