ياالله ياحذاف روس الطواغيت
يالي باوامرك المطر والرعودي
ياجاعلآ مكه وطيبه بها البيت
قبله لمن يومن بنزل الحودي
تغفرلي الزله اذا كان انا اخطيت
انت الغفور انت الرحيم الودودي
يابو رعد ياطيب الذكر والصيت
ارسلت مرسولي وابي له ردودي
خذ قصتي ياشاعرآماتحديت
والكفو له دايم تقال السدودي
البارحه في تالي الليل ونيت
ونت سجينآموجعته القيودي
ياليتني من غفلتي قمت صليت
وطلبت رب العرش وقت السجودي
لكن باعلى الصوت لزين ناديت
ناديت باعلى الصوت ليش الصدودي
احلم واحسبنه صحيح انت صديت
واثار هذا حلم ناسٍ رقودي
من حبكم من حالي النوم فزيت
وناديت باسمك يالغزال الشرودي
ياماعلى شانك للقدام عنيت
وياماعلى شانك رقيت السنودي
وياعلى شانك لليام عديت
مثيل من يلهى بعد النقودي
مابه نهارآ عنك والله تخليت
وحبك بقلبي كل يومٍ يزودي
كلمة وفاء عن قولت ازعلت ورضيت
والي يقول الحق مابه يكودي
ونا لغير الصدق ماعمري اطريت
والكذب عادة كل شخصآ حسودي
ياليت دارك عن ديرنا بلافيت
ويكون مابين المنازل حدودي
شديت من دارك وبالقلب حليت
وخذيت صكٍ والضماير شهودي
بحلىبيوت الشعر انا فيك غنيت
والبيض غيرك جعلها ماتعودي