السلام عليكم ورحمة الله
هلا بالحبايب في الاستراحه كلكم
شباب انا قلت في جعبة نفسي <<<< على باله جابها صح
ورا يا اسيرووووه ما تجرب تقول كلام فيه من الوناسه كل ما في حقيبتك الدعابيه
فقلت بأألف قصه
عاد تعرفون القصص اللي تجي صفقه مع اول الصبح يووووووووه الله لا يوريكم ولا انا معاكم مكروووه قولوا امين

عااااد اقول لكم القصه بس هاه ترا من المخيله لا تصدقون



عاد ذاك اليوم المشرق بنور الشمس <<<<< هو اصلا فيه يوم ما يشرق الله لا يشرقنا
عموما
صحيت الصبح بعد ما كنت قبلها نايم على الفراش اللي من زود الخباله موزع اغراضه كل واحد في جهة يعني ما استفيد الا من شي واحد الا وهو الطراحه
يعني الشرشف في اقصى الشمال والمخدة في اقصى الجنوب <<< يعنني عنده فراش
المهم خلونا في زبدة المراعي .... قصدي زبدة الموضوع
لما صحيت من النوم تعرفون اللي يصحى من النوم طواااالي على الحمام ((الله يكرمكم )) لكن انا قلبت المله طوالي رحت يم الجوال اللي كان يشتكي من كثر ما خليته جالس على الشاحن واروح طوالي على المكالمات المفقوده لاني خليته على الصااامت وياليتني ما رحت لها
لقيت العجب العجاب
ارقام مفقوده بالهبل
قلت يا ولد انت في حلم والا علم؟؟؟
وارجع للحمام ((الله يكرمكم )) واغسل وجهي ابي اتأكد ولما رجعت اطالع في الجوال ليتني ما رجعت
تدرون وش لقيت
لقيت المكالمات المفقوده 3 مكالمات والله واعيد النظر في الارقام واغمض عين وافتح عين الا ويطلع الشي اللي ما تمنيته وليتني ما غسلت عنوني ولا قريت
حصلت 1- رقم ابو ساطورة .... واحد عربجي عندنا بالحاااره
ورقم 2-ابو جلنبو ...... واحد راعي حرش بس يحب التعبيث بالموتر
اما المكالمه الاخيره طلعت من رقم غريب050123456<<< تراه ماهو صدق رقم خيالي
عاد انا ما صدقت خبر مشفووووح اول مره حد يدق عليه غريبه !!! العاده الربع واذا دقوا اما يدقون الا لمصلحه او القاها الوالده جيب معاك وانت راجع جيب معاك وانت رايح وهاتك يا تعذيب ...عاد هذي في قاموس امي مكرره لانه لازم هذي جيب جيب... مو في اكس ار هع هع هع
المهم
وقلت لازم اتأكد من المتصل هذا يمكن شخص مهم والا يمكن مخرج تلفزيون يبيني اصور معهم مشهد وهااااتك يالافكار المصرقعه لمدة لم تتجاوز خشبة وعشرين ثانيه <<< فسروها هذي!!
عاد وبعد ما مرت الخشبه والعشرين ثانيه قلت ادق واتأكد
ويوم دقيت قبلها كنت اتنحنح واشرب مويه وازين صوتي واقول هذا افضل لا هذا افضل عاد اخترت الصوت النشاااز فيما رواه الروميت اللي معاي في السكن غفر الله له وللي يقرون قصتي المصرقعه ....
وادق ونا اقول الله يجعله خير
المهم دق الجوال على الرقم المفقود الين انقطع وما حد رد
قلت ارجع ادق مرة ثانيه لعل وعسى
ونفس النمونه
ما حد يمي وقلت ما دام ماحد يرد خلنا نتونس مع بو ساطورة والا بو جلنبو و اقهرهم وارزّ نفسي عندهم واقول لهم من اللي كلمني امس <<<< مصدق عمره
وطاح الخيار والجزر والبصل على ابو ساطوره
وادق عليه وفجأه يرد علي واحد جديد توه معين في الاتصالات ويقول

عفوا .... ان مخ ابو ساطورة خارج نطاق العمل مؤقتا فضلا اتصل في اوقات التخفيض وقابلني اذا دق عليك ابو ساطورة
jbgfsvgk bjdsy vbsidvibjsa bvifyvp asdbufui vgp iahs[u h[i
عاد الخربطه هذي كلامهم لما يقولونه بالانجليزي
واقولها بكل ما فيني من قوة الحمد لله انهم فصلوا جواله يوم دق علي الحمد لله
و اجلس افكر مليا <<<<< ياهووووو يا مليا
المهم
وقلت خلنا نرجع ندق على الرقم المرتقب المفقووود
ويرن
طيييييييييييين ..... طيييييييييييييين ... طيييييييييييييييين
وكل ما قال طييييييين انا اقول بوجهههههههك وهلم جرى <<< يا معقدهم يالعربيه
ويجي صوت الرد
هاكم الكلام اللي دار
انا:- الووووو
هي :- الوووووووووووووووووووو
انا:- صباح الخير
هي :- مين تبي؟؟؟؟؟؟؟
واخذ فاصل قصير تدرون ليه ....؟
ماني مصدق انها بنت اول مره اكلم وحده
هي :- الوووووو وين رحت
أنا :- موجود والله موجود بس عجبني الصوت اللي خلقه ربي سبحان اللي ميزك به
هي :- طيب والمطلوب ليه متصل؟؟؟
أنا :- مقبوله منك لكن انا حبيت اعرف ليه اتصلتي علي امس لاني لقيت الرقم هذا من المكالمات المفقوده وحبيت اتأكد يمكن تبين خدمه والا واسطه ترا احنا مستعدين
هي :- ومن قال اني ابي خدمه منك يالفالح؟؟؟ ما بقا الا هي اعوذ بالله
انا :- اي والله اعوذ بالله من الشيطان صح <<<<< وياليتني ما قلتها
هي :- لا اعوذ بالله منك انت يالكحيان يالورع
انا :- الله يسامحك وبس
هي :- الله يسامحني من غيرك
انا :- ليش انتي معصبه كذا شوي شوي علينا يمكن انتي متضايقه اجل نتصل في وقت ثاني
هي:- لا لا اصبر لحظه
انا وبكل ثقه حسيت اني صرت مهم :- هلا خير ان شاء وش تبين؟
هي :- سمعت اخر اغنيه؟
انا:- والله ما ادري يمكن اكون سمعتها ويمكن لا ... ليه انتي سمعتيها
هي:- اناسمعتها لكن ودي اسمعك اياها
أنا :- يالله سمعينا صوتك العذب النشاااز (( ما كان مصدق نفسه ))
هي :- تك .... طوووط طووووط طووووط .... قفلت السماعه بوجهي وكانت هذي الاغنيه اللي مزهبتها لي

عاد دوروا لي انا
ما اداني الحركات الاستهباليه هذي
واعاود ادق عليها مرة ثانيه وهاتك يا سفط
ومرة ومراااات الين قرب الضحى وانا ادق عليها شكلي ازعجتها شكله ما كانت فايقه لان النوم عندنا بالنهار ما هو بالليل
وقلت خلنا ندق بالليل ازين
عاد انا رحت الدوام << مشوها عاد طالب جامعي ودوام
المهم
ورجعت العصر وتغديت وعينت من الله خير
وبعد الصلاه تواعدت مع الربع ابو ساطورة وابو جلنبو وابو طنّه وابو هاجوس ... مرعب النفووووس
نركب 200 ال حقت بو ساطوره وما تسمع الا طرررررررررررررر الكنداسه مفقوعه
وكل ما اكلنا مطب تحك السيار من الرفرف الى الرفرف
تدرون ليه ...... لان بو هاجوس وزنه 150 كم مربع الله يكافينا الشر كنت انا وابو جلنبو جالسين ورا مع ابو هاجوس معصورين عصر ومغرب وعشا ...هع هع هع
يعني اللي يشوفنا يروف بحالنا
واحكي اللي حصل لي صبح ذاك اليوم وطبعا لازم من الملح والبهارات والارانب ودستات الصواريخ عشان ادخلهم جو
المهم واعطي بو ساطورة ذاك الكف على المقفى واقول له يالورع فاصلين جوالك .... ما يدري ان الجوال اللي معي حق ابوي ....هع هع
المهم الشباب كلهم ما صدقوني الا اهطف واحد في حارتنا وهو ابو طنّه يصدق كل شي ينقال له حتى لو تقول له ابوك تراه هو امك يقول ايه صدق صدق ولو تقول له انت بقره يقول لك ايه ادري يعني هطفه بكل ما قالته الكلمه والجمل والكتب من معنى
يا ولد قلت وش لون اثبت لهم
قلت خلاص انا اثبت لكم اليوم بالليل
وسألتهم اليوم صكّة البلوت عند مين قالوا عند ابو هاجوس
قلت لهم خلاص موعدنا في بيت بو هاجوس النشمي <<< قلتها مجامله خايف يدعسني واروح حبيني......
المهم
ما صدقت جا موعدنا مع الشباب
وقالوا كلهم بشفح يالله دق وشغل السبيكر
قلت لهم ما عندي سبيكر في الجوال
قال بو ساطوره خذ جوالي فيه سبيكر ويالله تكلم
قلت لهم لا لا لا
ما تسمعون كلام البنت عيب هذي لي لازم اول شي يتأكد واحد وبس اخاف تسرقونها علي<<< مصدق عمره
المهم وقع الاختيار على بو ساطورة المنحوس
المهم قلت له انا بادق وانت اسمع وبس ولا تتكلم
وادق عليها 050123456 <<< لا تصدقون عاد رقم جزافي
وياخذ بو ساطورة الجهاز وقبل ما يسمع دخل يده في اذنه وطلع الصادر من اذنه وتقرفت انا والشباب قلنا مو مشكله عشان عيون اسيرالهم تهون الوصاخه اللي من اذاني ابو ساطورة
المهم ويدق عليها طييييييييييين طييييييييييين
يرد على ابو ساطوره واحد المهم ابو ساطورة تغير وجهه
قلنا يمكن من الخجل
ويقفل ابو ساطورة الجوال
ويجي علي ويمسكني مع رقبتي ويقول
ورا ما تكب حركات البزرنه هذي هاااااه؟
الى متى تصير على هالمنوال ... متى تصير قد كلمتك؟
تضحك على ابو ساطورة انت تفكر نفسك مع ابو جلنبو والا ابو طنّه ولا يهون ابو هاجوس<<< خرع منه
نعنبوا حبيبتك اللي حبيتها انت من متى توفقت يالهطفه ..؟
وابي اتكلم ما اقدر زانطني زنطة كدت انزنط منها الى القبر
ويهدون فيه الشباب
واسترد انا نفسي واقول حبيبي وش السالفه وش قالت لك
ويرد علي بو ساطورة بذاك البقس وسط البطن ويقول :- لا وبعد تسوي لي فيها يعنني ما اعرف السالفه تأكلني مقلب يالصرصور وتقول وش السالفه مالت عليك وعلى اللي تكلمهم يالهطفه
وانا ماسك بطنتي واقول بصوت شحب من قوة اللكمه
ليه من اللي رد عليك
قال : ابو فسيه مثلك
قلت: من بو فسيه؟؟؟
قال:- هذا بو فسيه بو هنود هو اللي كلمني ورد علي

واسترد عقلي شوي وقلت من جدك تتكلم انت؟
قال ابو ساطورة ما عاد الاهي ... من متى امزح معاك انا؟
وقلت خلني اتأكد
طييييييييييييييييط طييييييييييييين
وادق وهاكم الحوار اللي دار
أنا : الووووو
هو : الووووووو
انا: من انت
هو : ايس كلام انتا ....؟ هزا انتا فيه اتسل ما في انا
انا: لا يا بو فسيه وعلموك كيف تتكلم
هو : ايس فيه انا ما فيه بسر
انا : امحق بسر اسمع يا صديق الخذله .... من وين لك هالجوال.... وعند من كان الصبح؟
هو : ايس فيه انت دخل...؟
انا : نعنبوا ابليسك انت ورا ما تكلم كفيلك بكلام زين؟
هو : مين انتا انتا كفيل مال انا .... ما فيه مسكل بابا ايس انتا يبقى؟
انا : اسمعني يابو فسيه من اللي كلمتني الصبح اليوم؟
هو : هزا انا ما فيه معلوم هزا زوال انا يزيب بابا هدية كلام هذا مال انتا
انا: متى الكلام هذا حصل ؟
هو : هزا كلام اليوم أصر
انا :اييييييه نعنبوا كل ريال ادفعه في مكالمتي ذي لك يا وجه النحس يابو فسيه انقلع قلعتك
هو : ايس كلام....
والله وفي هاللحظه تذكرت اللي سوته فيني اللي ردت علي الصبح لا بارك الله فيها وقلت ورا ما تأكل ابو فسيه نفس المقلب
والله واقول لابو فسيه حبيبي سديق اسمع انت تبغى تسمع صوت مخ مال انا؟
هو :- وبكل هطافة وحماقة الهنود وبكل برائة ابو فسيه يقول ما فيه مسكل خلي انا يسمع صوت مخ مال انتا
والله واقفل السماعه في وجهه
طووووط طوووووط طووووووط
تدرون ليه ذكرت صوت المخ؟؟؟؟؟
لاني وقتها مخي كان مقفل مليوووووووون موصل H

:::::::::::
وما مداني سكرت الجوال من هنا
الاوالضحك والكركره والهقهقه والهعهعه تلطخ مسمعي تلطيخا
وكلهم يقولون حبيتك بو فسيه حبيبتك بو فسيه
والله وتطلع المكالمه المفقوووده ذي قارده لحظي
فشلتني تفشيله صرت فيها قصه في لسان ورعان الحاره
وقلت داخل نفسي توووووووبة ما عاد اتلقف عليك يالمكالمات المفقوده
وما مداني اكمل كلامي الا ويدق الجوال دقة ويفصل
تدرووووووون انا قلت والله ما ادق لو يطلع اللي يطلع
والله وتنتهي قصتي الدعابيه والجوال باقي يدق رييييييينق ريييييييييينق
تدرون من طلع؟
الوالده تقول لي جيب حفايض بامبرز بالكريم لاختك
مصدقه الدعايه
وجلست اكرها ضحك طوووول الطريق ..........
وفجأه
7
7
7
7
7
7
7
7
:::::::::::::::::::::::::::::

وشوية الرحمن الا انا صاحي من النوم
واطالع وش اللي صار وش اللي جرى
واتعوذ من ابليس
واتذكر اني نايم وان اللي صار كله حلم
وادور يمين ويسار على الجوال
واتذكر اني لي 5 شهور مقفلين جوالي بسبة الفاتوره
وصحيت وانا اضحك على الحلم اللي حلمته واقول
لو كان ازين من كذا....... كان سددت الفاتوره ...... هع هع هع هع هع::::::::::::::::::::::::::::::

حبايبي هذي محاوله مني في تكوين قصص يمكن يكون فيها نوع من السخريه لكن دعابتها بطريقتي الخاصه
بس ابغيكم تخبروني وش رايكم فيها وانا اقول لكم ان حقوق التأليف محفوظه لدي انا اسير الهم

تحياتي لكم وترقبوا المفاجأه القادمه وهي حوار بيني وبين نص ريال

واتمنى اللي عنده نقد والا شي يتركه بعدين لان هذي قصه من المخيله وما يحتاج لها فلسفه
تحياتي لكم
محبكم و محب الدعابه
أسير الهم