هو احداقاربي، شاب على الرغم انه ذو مركز مرموق ومرتبه عاليه؟ الا انه تائه..
عشت معه يومين..(ولا احلى)؟! حيث كنت في مهمة عمل.. المهم
اليوم الاول بعد الغداء رن التلفون: رديت.. صوت ناعم..خالد موجود؟ لاوالله غلطانه..! مو معقول توني مكلمته؟ والله يا اختـ.. ولا مداني اكمل الا يخطف السماعه وبسرعه فائقه يخرج الورقه ويفتحها.. الو نعم..وهو يطالع الورقه.. ايه ايه هلا والله هلابنوف هلا..(طبعا انا في قمة الأندهاش) .المهم اخونا في الله عشر دقايق وهو(طق حنك) قفل..وراح
دورة المياه (اكرمكم الله) الا ويرن التلفون مره ثانيه.. رفعت السماعه
صوت انعم من الأول..بس بصوت عالي..انت ماتقول لي ليش مشغل التلفون الوقت هذا كله؟ يابنت الحلال..يا...(طرخ)قفلت في وجهي اللي ما تستحي ولاخلت لي فرصه ابين لها انها غلطانه؟..بعد شوي يرن التلفون.. والله اني خايف ارد! لكن قريبي للحين مشغول وانا مضطر ارد يمكن احديكلم من الديره.. وارفع السماعه الا بذا الصوت الأنعم من اللي قبله: ممكن اكلم عادل.. والله يا اختي غلطانه (على نياتي)..اقول لو سمحت ابي عادل.. بصراحه خفت لا أكون انا الغلطان..يمكن اخوها ساكن مع قريبي هذا والا شي (شفتم اني على نياتي).. دقيت عليه الباب يا فلان(طبعا ماني قايل اسمه لأنه يفشل) اطلع وحده تبغى عادل! ويخرج زي المجنون ما عليه الا منشفه تستر عورته..يشيل السماعه هلاساره هلا عمري هلا بهالصوت(المره ذي ما فتح الورقه) ومثل اللي سبقتها (طق حنك) بس المره ذي لمدة نص ساعه، قمت انا (الضيف) اصلح شاي وش نسوي (المضيف)مشغول مررره. المهم جلسنا نشرب الشاي وناخذ علوم الرجال؟ وقبل ما ابدأ الا التلفون يرن
الحمد لله هو موجود وهو اللي رد! الو... ولا مداه سمع الصوت الا ويفز مثل المجنون على المحفظة ويخرج الورقه ويفتحها وهويكلم:هلا اماني هلا (او تهاني والله نسيت) هلا بالغاليه وين الناس...الخ
المهم على هالحال من العصر الى نص الليل ولمدة يومين..وانا (ياقلب لا تحزن) البلا اني ما اخذت علوم الرجال(ماهوب فاضي لي)
يوم الجمعه رحلة العوده من الرياض الى جدة.. بس انا مشغلتني هاذيك الورقه وعندي فضول رهيب الا أعرف وش فيها!
فلان طلبتك ابغى اشوف وش في الورقه ؟ ما قصر وراني الورقه (عادي بايعها)واشوف فيها التالي:

خالد ---------- نوف
عادل---------- ساره
طارق----------اماني
عبدالعزيز-------امل

وهكذا على نفس النمط...
اكثر من عشرةاسماء شباب يقابلها اسماء فتيات..؟
اخونا في الله هواوي ومن كثر اللي يرقمهم ماعاد يقدر يفرق بين اصواتهم، قام سوى هذي الفكره الجهنميه!(ننصح بعدم استخدامها)
وياكثر (المخفات)والثعلب(فات فات)

ساري salbraheem@yahoo.com