من كل قلبي قلتها اليوم ما بيك

تقول الشاعرة أغاريد السعوديه :

من كل قلبي قلتها اليوم ما بيك
**** ويشهد على ما قلت دمع بكيته
ليت الليالي ما تجيني بطاريك
**** ودي بنسيانك ولو ما قويته
وليت الحنين اللي بعيني يراعيك
*** يموت وأنسى اللي لنفسي جنيته
كلمتني وتقول قلبي يناديك
**** والله ما يرجع فؤاد رميته
يوم إن قلبي يا عشيري مصافيك
**** لا وا حسايف بالخيانه جزيته
يومه يبيك وساعي لجل يرضيك
*** صديت عنه وفي عذابك كويته
واليوم يوم انه قنع في تجافيك
**** تقول حبك يا حبيبي شريته
نسيت كل اللي جرى من تغليك
*** كانك نسيت اللي جرى ما نسيته
نسيت يوم تقول ما نيب مغليك
**** ابعد تراي اليوم بعدك رضيته
أمشي لك بنيه سليمه وأداريك
**** وأثرك بنية شر قلبي نويته
ما بيننا رجوى ولا نيب راجيك
**** هدمت قصر في غرامك بنيته
قلبي عقب موت الغلا جا يعزيك
**** ويغسل بدمع العين حب نسيته
ويكفنه بالورد وعهود ماضيك
**** ويدفن معه ذكرى حبيبٍ كويته