ايه انا سعودي ولامثلي مثيل
ياصقريشويك منهو يجهلك
اكرم الضيفان واصون الدخيل
يوم داري يالجويهل منزلك
اينعم بافرح بجوال ودليل
ديرتي من كبرهاماتنسلك
في دروب الخيرلي باع طويل
بالكرامه والشجاعه والحنك
زاهدين العيش بالشي القليل
زادنا عزه وحنا سعدلك
بيننا فنجال يالجاحد وهيل
والامير يقدر اجهود الملك
مالنا عن جابر الصاحب بديل
مرحبا بالضيف فالليل الحلك
مايفرق بيننا قال وقيل
ومن دخل مابيننا مات وهلك
فالكويت احارار ورجال تخيل
يردعون اللي على دبك سلك
عندنا خيرات يالعقل العليل
انصنا لامن زمانك غربلك
الكرم معروف عنا يالبخيل
يوم نيران المعارك تلهبك
السعودي لاتعزوا مايميل
يدهم حصون العدا حيل ويدك
دون جاره كلمته قدح الفتيل
طق خشم معادي الدار وفرك
شامخ اشموخ الماذن والنخيل
يوم غيره طاح بالوحل وبرك
مانرد الهرج لاجا من هبيل
الزمن دوار ويدور الفلك
ناخذ المبروك والمدح الجميل
وانت يالمسكين تاخذ هردلك
ناكل الدسمه وقرن الجنزبيل
ونترك العظمه لمضاغ العلك
نشرب الصافي قراح السنسبيل
ونت تشرب من عصارة حنظلك
وين جوالك ودمعاتك تسيل
يوم سهلنا لدارك مدخلك
يثمر المعروف فينا والجميل
السعودي تاج راس وفخر لك
نقنص الشاهين والطير الاصيل
وانت مثلك مانصبناله شبك
لولقيتك مرتمي تعول عويل
والله اني يالهويمل مانقلك
والله انا مانكن لك ونكيل
لاجل منته كفو حتى نسالك
مازعلنا منك لجل انك هبيل
العتب يرجع لمنهو هملك




الشاعر محمد الخديدي من اهل الطايف