Tweet
الــــــــــــكــــــــفـــــــــــــالــــــــــة
بثراحه (بصراحه) انا ضايق صدري مره (يمكني كبرت) … ومقهور من هالدنيا كلش فيها بالمقلوب … ابغى اشتري ارض وما معي فلوس وما لي الا التقصيد …. والمشكله في الكفيل مالقيت كفيل …وكل مارحت لواحد يقول تبيني اشتري الا رض باسمي وانت تصير الكفيل والا اسمح لي …. رحت للبيت وانا ابوخ من ضيقة الصدر … قلت ياولد ابروح اقعد في الخيمه اوسع صدر …تمددت فيها وقعدت اناظر في البرتسات (البرقات) المصفوفه فيها … وشفت بينهم بريق شكله غريب … قمت وخذت البريق وجيت افتحه وما دريت الا بذاك المارد الي طالع منه … صاك بنت البكار (ملوي الغتره على راسه ) … وفاتح الزره … وعليه زبيريات … ومعه سلسله يلعب بها … ناظرني وقال خير ياالشيخ وش تبي … قلت له الا خير انت وش الي جابك فيذا … قال انا المارد … قلت ضف وجهك بس ومسكته بشعره وهو يصايح يالحبيب بلا فضايح يالحبيب ارجوك اسمعني انا مارد …. وافتح الباب واشوته في الشارع … والحقه نعاله من فوق الباب …. وما امداني ارجع واقعد الا والجرس يرن … رديت مين قال انا المارد شبيك لبيك المارد بين يديك …. قلت له ترا ان طلعت عليك برشمت وجهك …. وشوي الا الي يطل من تحت الباب ويصايح شبيك لبيك المارد بين يديك اطلب واتمنى … والله البلشه اول مره اشوف مارد لزقه … المهم وصلت معي وارتفع ضغطي منه … قمت وفتحت الباب وحطيته في خيشه علشان مايشوف الطريق ويرجع لي مره ثانيه … وامحط به في شنطة الموتر … وما ردني الا الحاير وامحط به فذاك واجي … وما امداني اوصل البيت واتمدد الا البيجر يرن … والمشكله ان الي داق علي بيجر حاط 999 يعني لازم اتصل به ضروري ( هالبني مايسقمون عني ) … وقربت التلفون ودقيت الرقم …. ورد علي واحد وبعد السلام والترحيب وووو قال لي واللي يرحم والديك ابقول لك كلمه وارجوك اسمعني …قلت له تفضل … قال شبيك لبـــــ طرقع صكيت السماعه في وجهه … واذن العصر وقمت وغسلت ورحت اصلي … ودخلت المسجد وتسننت … يوم التفت الين ذا الي يطل مع دريشة المسجد … ويحرك براطمه بدون مايطلع صوت يقول شبيك لبيك … ويشر بيده وكنه يقول وش تبي تدلل … ومادريت الا ببزر يمد لي ورقه ويشر على المارد يقول هو الي عطانياها …يوم ناظرت المارد الينه يشر على نفسه وما سك لحيته بطريق تكفى اقرها … واشق الورقه واذبها في الزباله عزكم الله … وصلينا وطلعت الين الي داق اللطمه وقاعد على كبوت السياره … عرفت انه هو وسفهته … ودخلت يدي في مخباتي وطلعت مفاتيح السياره يوم جيت افتح الباب … طمر ومسك يدي وقام يحببها وهو يصيح … عاد انا قلبي رهيف رحمته يوم شفته يصيح وخنقتني العبره وتخاميت انا وياه وانحن نصيح … قلت له اركب خل نتفاهم مع بعض …. وركب وقبل ما احتسي قال شف انا كنت محبوس في البريتس وانت اعتقتني وانا خلاص عبد عندك ما انعتق الا اذا حققت طلباتك …
قل لي وش تبي سياره طياره مزرعه وظيفه فيله قصر والله لو تبي تحبني ان ما اعيي عليك … قلت له أي شي … قال أي شي في ها الدنيا اطلبه وبتلقاها في ثانيه بين ايديك .. قلت اسمع انا طلبي بسيط انا ابشتري ارض وابي كفيل …. المهم صار وجه المارد احمر وغير السالفه وقال بيني وبينك والله ان ساحة الاقلاع احسن ساحه … وسلمني والله على المرجوج والله الي جاب رفيع الشان تصدق يا ابو برغش الممرور جى من السفر …التفت عليه والضغط H …. وقلت له يتعبان مزعجني آمر تدلل والله لو تبي لبن العصفور ويوم جى الصدق تصرفني … قال اسمع تبيني اشتري الارض باسمي وانت تصير الكفيل والله انتم يالبشر ما ينظمنون … والا اقول لك ليش ماتشتري بالاجار المنتهي بالتمليك بدون كفيل … التفت عليه وراسي يدخن من الحراه وقلت له وش اسوي بك هالحين … ان طقيتك شرهو علي الناس وقالو طاق مارد … وان تركتك بتنفقع مرارتي … لكن رح منيب طالب منك ولا طلب علشان تصير عبد عندي طول العمر
ــــــــــــــــــــــ
الزبده
ــــــــــــــــــــ
تصدقون ان النذاله وصلت بالبعض انهم يشوفون كفلائهم وهم ينسجنون ويسددون عنهم .... وكان الامر لايعنيهم ... عجبي عليك يازمن
==========================منقول .
بثراحه (بصراحه) انا ضايق صدري مره (يمكني كبرت) … ومقهور من هالدنيا كلش فيها بالمقلوب … ابغى اشتري ارض وما معي فلوس وما لي الا التقصيد …. والمشكله في الكفيل مالقيت كفيل …وكل مارحت لواحد يقول تبيني اشتري الا رض باسمي وانت تصير الكفيل والا اسمح لي …. رحت للبيت وانا ابوخ من ضيقة الصدر … قلت ياولد ابروح اقعد في الخيمه اوسع صدر …تمددت فيها وقعدت اناظر في البرتسات (البرقات) المصفوفه فيها … وشفت بينهم بريق شكله غريب … قمت وخذت البريق وجيت افتحه وما دريت الا بذاك المارد الي طالع منه … صاك بنت البكار (ملوي الغتره على راسه ) … وفاتح الزره … وعليه زبيريات … ومعه سلسله يلعب بها … ناظرني وقال خير ياالشيخ وش تبي … قلت له الا خير انت وش الي جابك فيذا … قال انا المارد … قلت ضف وجهك بس ومسكته بشعره وهو يصايح يالحبيب بلا فضايح يالحبيب ارجوك اسمعني انا مارد …. وافتح الباب واشوته في الشارع … والحقه نعاله من فوق الباب …. وما امداني ارجع واقعد الا والجرس يرن … رديت مين قال انا المارد شبيك لبيك المارد بين يديك …. قلت له ترا ان طلعت عليك برشمت وجهك …. وشوي الا الي يطل من تحت الباب ويصايح شبيك لبيك المارد بين يديك اطلب واتمنى … والله البلشه اول مره اشوف مارد لزقه … المهم وصلت معي وارتفع ضغطي منه … قمت وفتحت الباب وحطيته في خيشه علشان مايشوف الطريق ويرجع لي مره ثانيه … وامحط به في شنطة الموتر … وما ردني الا الحاير وامحط به فذاك واجي … وما امداني اوصل البيت واتمدد الا البيجر يرن … والمشكله ان الي داق علي بيجر حاط 999 يعني لازم اتصل به ضروري ( هالبني مايسقمون عني ) … وقربت التلفون ودقيت الرقم …. ورد علي واحد وبعد السلام والترحيب وووو قال لي واللي يرحم والديك ابقول لك كلمه وارجوك اسمعني …قلت له تفضل … قال شبيك لبـــــ طرقع صكيت السماعه في وجهه … واذن العصر وقمت وغسلت ورحت اصلي … ودخلت المسجد وتسننت … يوم التفت الين ذا الي يطل مع دريشة المسجد … ويحرك براطمه بدون مايطلع صوت يقول شبيك لبيك … ويشر بيده وكنه يقول وش تبي تدلل … ومادريت الا ببزر يمد لي ورقه ويشر على المارد يقول هو الي عطانياها …يوم ناظرت المارد الينه يشر على نفسه وما سك لحيته بطريق تكفى اقرها … واشق الورقه واذبها في الزباله عزكم الله … وصلينا وطلعت الين الي داق اللطمه وقاعد على كبوت السياره … عرفت انه هو وسفهته … ودخلت يدي في مخباتي وطلعت مفاتيح السياره يوم جيت افتح الباب … طمر ومسك يدي وقام يحببها وهو يصيح … عاد انا قلبي رهيف رحمته يوم شفته يصيح وخنقتني العبره وتخاميت انا وياه وانحن نصيح … قلت له اركب خل نتفاهم مع بعض …. وركب وقبل ما احتسي قال شف انا كنت محبوس في البريتس وانت اعتقتني وانا خلاص عبد عندك ما انعتق الا اذا حققت طلباتك …
قل لي وش تبي سياره طياره مزرعه وظيفه فيله قصر والله لو تبي تحبني ان ما اعيي عليك … قلت له أي شي … قال أي شي في ها الدنيا اطلبه وبتلقاها في ثانيه بين ايديك .. قلت اسمع انا طلبي بسيط انا ابشتري ارض وابي كفيل …. المهم صار وجه المارد احمر وغير السالفه وقال بيني وبينك والله ان ساحة الاقلاع احسن ساحه … وسلمني والله على المرجوج والله الي جاب رفيع الشان تصدق يا ابو برغش الممرور جى من السفر …التفت عليه والضغط H …. وقلت له يتعبان مزعجني آمر تدلل والله لو تبي لبن العصفور ويوم جى الصدق تصرفني … قال اسمع تبيني اشتري الارض باسمي وانت تصير الكفيل والله انتم يالبشر ما ينظمنون … والا اقول لك ليش ماتشتري بالاجار المنتهي بالتمليك بدون كفيل … التفت عليه وراسي يدخن من الحراه وقلت له وش اسوي بك هالحين … ان طقيتك شرهو علي الناس وقالو طاق مارد … وان تركتك بتنفقع مرارتي … لكن رح منيب طالب منك ولا طلب علشان تصير عبد عندي طول العمر
ــــــــــــــــــــــ
الزبده
ــــــــــــــــــــ
تصدقون ان النذاله وصلت بالبعض انهم يشوفون كفلائهم وهم ينسجنون ويسددون عنهم .... وكان الامر لايعنيهم ... عجبي عليك يازمن
==========================منقول .
تعليق