Tweet
على الساحل الغربي
السلام عليكم
تحية طيبة للجميع
هذه قصيدة اخترتها من بين اوراقي القديمة ... آملا ان تحوز على استحسانكم ..
على الساحل الغربي بروق ورعد وغيوم"="وليل تكبر وانتشى يالله الخيره
عسى سايله ما يمسي الا ديار القوم"="تربع فيافيها وتحيا به الديره
على الله يغيث الوادي اللي منه محروم"="شمال وجنوب وشرق لأقصى مناديره
تخايل لعيني حين شفته عشية يوم"="وجت به رياح الوسم تحمل تباشيره
فقمت آتهيض له وجا في العلوم علوم"="وراحت بي افكاري على طاري السيره
زمان الرخا ولى وجانا زمان الشوم"="زمان غريب غربلتنا مقاديره
زمان ظمينا فيه حتى شربنا اللوم"="ولا عاد حسبنا لصفوه وتكديره
وجفت مشاعرنا وصار الوفا معدوم"="واخذنا من الوقت المقفي معاذيره
ولو ما رضينا به فهذا هو المقسوم"="ولا باقي الا حكمة الله وتدبيره
فـليت المطر يغسل هموم الذي مهموم"="ويا ليت هذا الحال يتغير بغيره
.... محمد الرافعي .. 14/10/1421هـ ..
تحية طيبة للجميع
هذه قصيدة اخترتها من بين اوراقي القديمة ... آملا ان تحوز على استحسانكم ..
على الساحل الغربي بروق ورعد وغيوم"="وليل تكبر وانتشى يالله الخيره
عسى سايله ما يمسي الا ديار القوم"="تربع فيافيها وتحيا به الديره
على الله يغيث الوادي اللي منه محروم"="شمال وجنوب وشرق لأقصى مناديره
تخايل لعيني حين شفته عشية يوم"="وجت به رياح الوسم تحمل تباشيره
فقمت آتهيض له وجا في العلوم علوم"="وراحت بي افكاري على طاري السيره
زمان الرخا ولى وجانا زمان الشوم"="زمان غريب غربلتنا مقاديره
زمان ظمينا فيه حتى شربنا اللوم"="ولا عاد حسبنا لصفوه وتكديره
وجفت مشاعرنا وصار الوفا معدوم"="واخذنا من الوقت المقفي معاذيره
ولو ما رضينا به فهذا هو المقسوم"="ولا باقي الا حكمة الله وتدبيره
فـليت المطر يغسل هموم الذي مهموم"="ويا ليت هذا الحال يتغير بغيره
.... محمد الرافعي .. 14/10/1421هـ ..
تعليق