البنات والفيصليه
الله الله على الف والدوران بهالاسوقه واااااااااو قمة المتعه والانسجام مع الملابس والحذايين الله يكرمكم......مع اننا بالعاده ندور وحنا ملفسين وكل وحده رازه شنطتها على بالنا معنى فلوس...واحيان مانلاقي شي نحطه بشناطنا نظطر نملاها بغات فاضيه(اقصد اكياس) والافضل تكون الوانها مشرفه على شان لو شافها احد من الي يبيعون مايقول.........


اني قرويه(مادرى اني قرويه كح)
ولاوافقت الوالده نروح يم السوق....تصير رجه مو طبيعيه في البيت هاتك ياصراخ ...ودربكه الي تقول وين جزمتي الفسفوريه...والي تصارخ على الشغاله تسألها عن كيلي((كريم مبيض لليدين والوجه)).....والي تسأل جدتي عن كحلة عيونها ((الي في غرشه نحاسيه)).....ووين عباتي...ووين لثمتي.....ووين برقعي...........وحوسه كنا رايحين يم مسابقة ملكة جمال العيون...والرزه بالسوق....وبعد مانزدحم وترقى كل وحده فوق الثانيه في ددسن ابو غمارتين....وبعد الهواشه الصغيره على من الي تقعد بجنب الباب ,,تترك الي جالسه يم الباب طرف عبايتها ظاهر..علشان اذا شافها احد يأشر لها عبايتك ظاهره بره لسياره...
ونوصل الى قمة الوناسه لما يقولولنا انا بنروح لم الفيصليه تقول كنا بنسافر لسويسرا...ولا قربنا يم المدخل حق الفيصليه نقول لسواقنا الهندي المزيون يوقفنا بعيد علشان مايشوفون الروز رايز حقتنا....
وياويله لو مالبس الغتره والعقال وترزز يمنا على اساس انه العبد حقنا وحنا زي ماتخبرون شلة اميرات((ايه مره))
وبعد ماينفتح باب السياره وتطيح الي يم الباب من قوة الدفع من الضغط الداخلي (سم الله علي عالمة فيزياء))يترززون قدامكم شلة بنات كل وحده رافعه راسها تقل كنها فوق جبل ولا تقدر تناظر تحت على شان ماتطيح..وندخل الفيصليه من الباب الرئيسي ...واول ماتطيح عينا عليه هي ملابس السواني وهالماركات الي ماندري وش سالفتها والي تقول ابي ((مانجو.)).والثانيه تصارخ يالخبله تعالي ((قس)) يقولون نازله شورتات تجنن وتعلي صوتها علشان الي يمها يسمعون....وفي الاخير تصرخ الصغيره تقول والله ماندخل الا ((اكس أو))ابي اهزم صديقتي بها(تحسبه ملاهي فيها لعبة اكس أو) وفي الاخير الاخير..يتفرجون على الفترينات الخارجيه ويقزون اللبنانيين والسواريه الي بالمحلات ....
وبعدين نمشي شوي والي تمسك عبايتها وتضيقها شوي على جسمها ... والي تقول شوفي شكل الشبح حقي تمام... وترد عليها الثانيه تقولها ماراح ارد عليك لين تسوين طرحتي شبح مثل طرحتك...ونمشي شوي ونصرخ على بقية المجموعه على اساس نمشي مع بعض (على بالنا نحافظ على بعض وعلشان ماتلعب وحده من ورانا)ولا يرقمها واحد مزيون والبقيه لا.....ونكمل هالمشي وهالرززه ...تقل نمشي على بيض...شوي ويقابلونا شلة هالشباب الي كل واحد اتحف من الثاني.....الي كان يسلوف على خويه بعربجه ويوم شافنا نفخ صدره وترزز وقام يثخن بصوته ويطق خويه بشويش على كتفه ويقوله الله يهديك ياحبيبي ليش انت دفش......والثاني عليه كشره يالله سترك لا وكاشخ حطلي هالقبه الي طولها مترين والغتره المايله (على باله حركه)لا والغتره محتاره في لونها ياما اصفر او بني ..يعني بين هالدرجتين.........
والثالث اول ماشافنا رز جواله وقام يتمصخ ويتدلع بالحكي .....وحنا كل وحده تناظر لثانيه وبيعيونا نقول ((شوفي هالشيف مفروض مايدخلون الفيصليه ماهم قدها ولا قد بناتها )) وشوي ويجي واحد منهم ويتقدم ويرز حاله الفارس الملثم ...ويقط كلام علينا حيالله القماري ... تاخذون الرقم ... ونطالعله بنص عين الي تقوله من زين كشرتك يامتخلف والي تقول مالت عليك يالقديم تبي ترقمني على الاقل تحضر وعطني ايميلك.......
ولا بداخلهن كل وحده طايره من الفرح على ادبها وانها قدرت تفشله........
ونمشي شوي ونصعد السلم المتحرك ... وتقوم كل وحده منا ترفع عبايتها على شان ماتعلق في السلم((ايه هين هين يالنسوااان)) ونطلع بسرعه ونحرك الخطى بسرعه لم المطاعم لان في شلة شباب اشكالهم خياليه كل واحد مصنم تقل باخين عليه علبة نشا كامله ... وتتقدم وحده منا بسرعه وتدقه بيده..بعدين تلتفت يمه وهي مسرعه ((اسفه اخوي)) ويرد عليه بصوت ناعم يقطع القلب(( لا عادي خذي راحتك)) تضحك بسرعه وتمشي... ويبداْ هو بأسراع الخطوات بيلحقها ... حنا شفنا هالمنظر وجيناك ركض وكل وحده تقول في نفسها لا ابد هذا مااافوته لازم يرقمني.. في هالحظه يلقطونا بقية الشله الشبابيه و يلحقون ورانا وحنا ابد ماني الا الي بيد غيرنا...



البقيه في العدد القادم.................


الردود : بسم الله الرحمن الرحيم

الحمدلله والصلاة والسلام على رسول الله وعلى آله وصحبه ومن والاه ومن سار على نهجهم متبعا لا مبتدعا إلى يوم الدين..

السلام عليكم ورحمة الله وبركاته.. وبعد..

فلتسمح لي أختي الكريمة (قايد الريم)..وليسمح لي الجميع أن أدلي بدلوي هنا..ولن أتكلم بلساني..ولن أطيل..فليأخذ كلامي من يأخذه وليعرض من يعرض..ولكن حسبي أن أؤدي أمانة إئتمني الله عليها وفرض علي أدائها لكل مسلم ومسلمة..وليعلم كل من تلقى مني كلماتي أنها كلمات دامية أو دماء كلامية..جرت في وريد غيور على عقيدته..وأمته..ومحارم الله..وشيمه وقيمه الإسلامية والعربية فخذوا مني واسمحوا لي :

1 - قال تعالى (يا أيها الذين آمنوا قوا أنفسكم وأهليكم نارا وقودها الناس والحجارة عليها ملائكة غلاظ شداد لا يعصون الله ما أمرهم ويفعلون ما يؤمرون).

2 - قال تعالى (ألم يئن للذين آمنوا ان تخشع قلوبهم لذكر الله وما نزل من الحق).

3 - قال تعالى (يا أيها الذين آمنوا إتقوا الله وقولوا قولا سديدا يصلح لكم اعمالكم ويغفر لكم ذنوبكم ومن يطع الله ورسوله فقد فاز فوزا عظيما).

4 - قال تعالى (وقل للمؤمنات يغضضن من أبصارهن ويحفظن فروجهن).

5 - قال تعالى (ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المسلمون لعلكم تفلحون).

6 - قال تعالى (فلا تخضعن بالقول فيطمع الذي في قلبه مرض وقلن قولا معروفا).

7 - قال رسول الله صلى الله عليه وسلم (إذا خرجت المرأة إستشرفها الشيطان..وأقرب ما تكون من رحمة ربها وهي في قعر بيتها).

8 - قال رسول الله صلى الله عليه وسلم (صنفان من أهل النار لم أرهما..رجال معهم سياط كأذناب البقر يضربون بها الناس..ونساء كاسيات عاريات مائلات مميلات رؤوسهن كأسنمة البخت المائلة لا يدخلن الجنة ولا يجدن ريحها..إلعنوهن فإنهن ملعونات). أو كما قال عليه الصلاة والسلام.

9 - قال صلى الله عليه وسلم (فاتقوا الدنيا..واتقوا النساء..فإن اول فتنة بني إسرائيل كانت في النساء).

10 - قال صلى الله عليه وسلم (الحياء لا يأتي إلا بخير).


فالتقوى يا أيها الأحبة أخوانا وأخوات..والعفة والطهر والحياء والغيرة على محارم المسلمين..والتي ذبحها كثير من الناس على عتبات منازلهم..والبدار البدار..فقد بلغتكم رسالة ربي ونصحت لكم..فاللهم إشهد.

والسلام عليكم ورحمة الله وبركاته..

أخوكم..