الله ياجار القمر يصلحك الا لازم تحرجنا

عموما نا عندي موقف طلع شكلي فيه بايخ وهو في الصيف الماضي في الجامعه...وبالتحديد ادارة الاسكان

رحت ذاك اليوم ابغا اخذ برنت اوت "print out" والله ما اعرف معناها بالعربي عشان رقم السكن والمعلومات فيها كامله عشان العماده.

المهم رحت لواحد في ادارة الاسكان قلت له السالفه ويومها كنت طفشان واصله معي الرجال استغرب الطلب هذا لانه الظاهر انا اول واحد يطلب هذا الطلب انا.

قال الرجال .....مصري وانا ماني مروق وتهيا لي انه يقول انته مصري وتكرنت انا واقوم اتفلسف واضارب وهواش ذاك الصبح كله
طبعا الرجال يهدي فيه والاخوان متجمعين ماهم دارين وش السالفه قاموا يستفسرون مني قلت يقول اني مصري وش شايف نفسه هو.

طالع في الرجال قال الفلسفه ذي كلهها عشان كذا.
انا اقول المصري اللي طلب منك الورقه...والمصري هذا شغال في العماده.
طبعا تخيلوا الشكل....تعرفون وش سار شكلي.....افهموها.

يالله لا فشلتنا....

السؤال للي بعدي.
اعطنا موقف مضحك حصل لك او محرج ولا مانع اذا كان فيه مبكي.

بسم الله الرحمن الرحيم

طيب يا بو وليد عند سواليف حلوه ولا قد علمتني بها أوريك .

أول ما دخلت الجامعه وفي أول يوم من الأسبوع الثاني قال لي بعض زملاي هل قدمت على مكفأة وسجلت أسمك في عمادة شؤون الطلاب عشان يعتمدوا لك المكافأة .

قلت لا وماهب لازم عشان النظام اليوم بالكمبيوتر وكل شيء مسجل أكيد .

قالوا مستجد ويتفلسف إذا ما تتصل بأبوك آخر الشهر تطلب فلوس ,وكم حده يصرف عليك , خلك تستاهل , المهم كبروا الوضوع في راسي وإلي ينهرني من هنا والي يهزئني وأنا توي متعرف واستحي منهم .

المهم أخذوا بي لين صدقت . قلت طيب وش الحل قالوا خلاص اليوم الناس قفلوا وراحوا بيوتهم ولكن قم أكتب معروض لعميد شؤون الطلاب ووضح فيه إنك مستجد وتجهل النظام وأن أحوالك المادية تشكى إلى الله وأذكر عدد أخوانك و لا يوجد من يساعد أبوك في إعالتهم .
قلت لا وش دخل عدد أخواني .

قالوا ياغبي تدري إنه إذا مانزل لك مكافأه هذا الشهر إن النظام يمنع عنك المكفأه طوال السنه ولا تستحق إلا بداية السنه الثانيه يعني سنه بدون مكفأة . استعطف الرجال ,وخلك ذكي , هذا إذا رحمك وخل فلان وفلان يجون معك بكره عشان يتوسطون هم يعرفون الرجال .

المهم أقتنعت وكتبت كلام يبكي الحجر عن حالتي .
قالوا جب صوره مقاس أربعه في سته وملونه وحطها في زاوية المعروض .

قلت لا المعروض يكفي قالوا , الله وأكبر , كم لله من نايف في الجامعه حط صورتك عشان يعرفونك وأصلا باقي يطلبون منك خمس صور .

أقتنعت وحطيت الصوره .

وفي اليوم الثاني سرحنا والواسطتين بدري قبل مايجي زحمه وأنا همي مثل الجبال لاواقعد سنه بدون مكافأة .

المهم قالوا تعال نصور المعروض وأنت أدخل بالصوره ومعك فلان والواسطه الثاني بيروح يقابل مدير مكتب وكيل الجامعة لأنه يعرفه ويمون عليه ونحاول من طريقين لعل الله أن يختار مافيه الصالح .

المهم- يا أخوان- والله إني ذهبت وما يساورني أدنا شك في صحة كلامهم وإخلاصهم لي وقلت هذولا الرجال والا بلاش .

وأدخل على عميد شؤون الطلاب بعد أخذ إذن من مدير مكتبه ونبهوني من أمس ألا أخبر مدير المكتب بالموضوع وأقول موضوع خاص . عشان مايصرفني .

المهم دخلت وارتبكت وقلت تكفا ياطويل العمر أنا عند الله ثم عندك أنا والله ما أعرف نظام الجامعه وتوي جديد وتكفا ساعدني قال وش عندك المهم أعطيته المعروض وفيه صورتي قرا شوي إلا وهو يضحك ضحك غير طبيعي وزهم مدير مكتبه وأعطاه وهو ما يقدر يمسك نفسه من الضحك وضحك مدير مكتبه وكلهم يطالعون في حتى إني شكيت أن الصوره يمكن ماهب لي وإلا فيه غلط . وراح مدير المكتب يجمع الناس وقسما بالله لغرقت من الإحراج والعرق .

وبعدين وضحوا لي أن الموضوع مايستاهل وهذي لعبه وزعلت ووضحت لهم الأمر وطلبت من العميد معاقبة زملائي فقال وهو يضحك ياولدي انت في جامعه مو ثانويه تحمل مسؤلياتك .

خرجت وأنا زعلان ورحت لزملائي وما إن رأوني حتى وأخذا يضحكون علي ونزلت فيهم رفسا بالأيدي والأقدام لا أرحم ماتقع عليه يدي ولا أسناني حتى برد ما بجوفي .

والأصل الذي عندهم جلسوا يهددوني به أنهم سوف يرونه من يأتيهم من الشباب ومازالوا يهددوني حتى تمكنت من هذه الورقه البغيضة عندي فمزقتها إربا إربا .

....................................
....................................


من آخر من كلمت بالتلفون وحول مذا دار الكلام.

أخوكم البيرق

ههههههههههههههههههه

موقف لاتحسد عليه اخي البيرق :D

بصراحة لو انا مكانك كان اخذت رشاش كلاشنكوف وتفاهمت معاهم :D

بس الحمد لله انه مو انا


سؤالي / اليوم هو يوم الجمعة ......متى صحيت من النوم ؟ ومتى رحت صليت الجمعة ؟؟؟

السلام عليكم

صحيت / 11،30

وخرجت من البيت 12


ورجعت/ الساعة / 3 :D:D

ـــــــ
سؤالي

ماهو شعورك الليلة وغدا عندك عمل مع صلاة الصبح .


ــــــ
وللجميع تحياتي :D:D

ما عندي عمل عندي دراسه لكن ضحكت الين فطست من الضحك على سالفه البيرق
عموما شعوري شعور اي طالب سعودي جامعي عنده اختبار يوم السبت ومقفله معه الاخلاق الف مليووون
تحياتي لكم
سؤالي
وش اصعب موقف مر عليكم ... اعجبتني سالفة المواقف
تخياتي لكم
بس موقف حصل لكم ما هو موقف سيارات انا فداكم

بسم الله الرحمن الرحيم


أنا أشجب وأستنكر وأندد ألحقوا يارجاجيل جار القمر ضحك أخونا وانبسط وفطس من الضحك وما دفع الضريه قصديه ما جاوب على سوءالي علموه يارجاجيل يجاوب بسرعه وإلا فيها حقان وطقان وعلوم قبايل .

....................

بعدين إللي يدخل بعدي يجاوب على سوءال أخونا / أسير الهم ... الله يفك أسره وأخواننا المسلمين .

أنا بس دخلت أشجب .

أخوكم البيرق

من حقك تشجب وتستنكر اخي البريق

وابشر بسعدك راح اجاوب على سؤالك والله يعين

اما عن الضحك فوالله الذي لا اله الا هو لقد ضحكت حتى ....اكملوا الفراغ لاني ما اعرف اكلمه .المهم اني ضحكت حتى ضحكت :D:D تخيلت شكلك وانت عند عميد شؤون الطلاب هههههههههه

اما اجابة سؤالك فهي كالتالي /

اخر واحد كلمته هو ولد عمي "صالح " ....لانه دق علي وانا نايم ..بس ما طلع عنده سالفة ...خسرني مكالمة بالفاضي :D

هاه بشر يالبيرق رضيت والا باقي "الله لا يجيب التشجيب والاستنكار" ...اذا ما رضيت راح اكلم الجماعة ونجي بيتكم ويختمون بيننا :D

اما سؤال الاخ اسير الهم فاترك الاجابة للي بعدي لاني تعبت وانا ارد على الاخ البريق

بسم الله الرحمن الرحيم

سلامتك والله ألف ثم آلاف مؤلفة (بعد حيي) من التعب ولو دريت كان ما شجبت وتحملت على نفسي وريحتك وبهواها .

لكن صدقني رضيت وامتليت من الرضى وإن بغيت قطه عشان المكالمه الخاسره ابشر بمن يعين ويعاون وينزل مقال للربع يجمعون الفرقه .

واللي بعدي الله لا يهينه يجاوب على سؤال أخونا أسير الهم ( الله يفك اسره واخواننا في غونتانامو ) لأني دخلت أعس جار القمر واتحمد الله على سلامته .

أخوكم البيرق

عضو جديد
الزواج سنة الرسول صلى الله عليه وسلم والذي قال من رغب عن سنتي فليس مني فبادر أخي العزيز باختيار الزوجة الصالحة التي تعينك على أمور النيا والدين
كما أضم صوتي للإخوة الذين يؤيدون المقاطعة الإقتصادية لأن الإقتصاد هو عصب الدول فإذا سقط اقتصادهم ضعفت قواهم وهذا اقل ما يقوم به المؤمن تجاه اعداء الإسلام والمسلمين

ـــــــــــــــــــــــــــ
اتق الله

اولا شى بالله الذى له التوقيع الذى فى الجنب يشيله عشان نقدر نشوف الصفحه كامله
يعنى ماحد جاوبك ياسير الهم انا باجاوبك

بس بشرط من دون تعليق عليه
قبل عده شهور وبالتحديد فى نهايات كاس العالم الاخيره ذهبت الى الشرقيه عند اخو المدام عشان بوصلها هناك ومن ثم تذهب مع اخوها الديره وانا ارجع اتابع كاس العالم <<<<<<<قال ايش رياضى الاخ
المهم ذهبت اوصلهم المطار وكان باقى على الرحله حوالى 45 دقيقه
وصلنا المطار ونزلوا عشان يخلصون باقى الاجراءات وانا رحت اودى السياره الموقف كان واحد من اولادى نايم فى المقعده الخلفيه
وقال لى الرحيم روح وقف السياره وجيب الولد والحقنا فى الصاله قلت طيب وانا صراحه اول مره اطب المطار الجديد فى الدمام رحت وقفت السياره وحطيتها فى المواقف التى تحت وسكرت السياره ونسيت الولد فى السياره طيب انا جالس ادور لى مخرج من هذ الموقف عشان اوصل الصاله وكان الرحيم كل شويه يقلى بسرعه على الجوال طبعا وانا اقله طيب انا جاى فى الطريق
وجلست احوس اللين حصلت الطريق الذى يوصلنى الصاله والولد نايم فى السياره وابوه تايه ماهو عارف حاله ابوه هههههههه
وانا والله ماجاء على بالى مره والرحيم شغال بالجوال وينك قلت خلاص ياخى روحوا وش تبغون بى قال ياخى ان تمزح والا تقوله من جدك انت لا زم تجى بسرعه كان على باله ان الولد معى وانا اتكلم من جد
المهم دخلت الصاله وانا ادور واسئل وين البوابه وين المغادرين ولا فيه فايدهالمهم جلست انسق مع الرحيم بالجوال حتى وصلت وياليتنى ماوصلت اول ماشافنى قلى وين الولد
اخوكم تحجر مكانه وفتح فمه((هاه)) اعوذ بالله
قال بسرعه روح جيبه الطائره ابتقلع بسرعه بالله
سكرت فمى ونزلت الغتره والعقال ورفعت ثوبى ووينك يالموقف ووينك يالسياره وجرى فى المطار باقصى سرعه والناس تطالع وش المهبول هذ ههههههه
المهم جلست ادور للباب الذى ينزلنى تحت فى الموقف وحصلت ابن الحلال ودلنى
نزلت تحت هنا المشكله والله ياخوان مدرى وين السياره المهم كل ماشفت سياره مثل سيارتى عليها جرى
واذا وصلت عندها ماشفت الولد انصدم مانى عارف ايش اسوى الرحيم اربشنى بالجوال
وانا طفشان اخاف ان الطائره تروح واتعنى الين الديره اودى الولد
وطفشان ماحصلت السياره وطفشان عشان الولد
وبعد جهد حصلت السياره واخذته وقام يبكى قلت ابكه ووالله لو ماخاف احد يشفنى انى لابكى معك حتى انا وجاكم التهامى طائر على الصاله وبرضه مضيع البوابه لكن الرحيم كان واقف عند المدخل ونادانى وقال بسرعه والله الناس قدهم فى الطياره وجرى
ويوم دخلو طلب العسكرى كرت العائله قالوا وينه قلت فى السياره وجلست اناظر فى العسكرى قلت تكفى انا عند الله ثم عندك انا والله باموت من القهر وعلمته قلت خلهم يطلعون بسرعه وانا باجى لك بالكرت جلس يضحك رحم حالتى وشاف عرقى يصب وقال خلاص انت الله يسهل عليك وانتم تفضلوا الطائره
واسف جدا على الاطاله
هههههههههههههه
السؤال
ماهو العضو الذى فى جسم الانسان ممكن ازالته بما انه لا يمكن الاستفاده منه

ااااااااسف على التأخير بس اني كنت في اسر .....لكن مو اسير هم زي خوينا "بالمناسبة ادعو له يا اخواني" لاانا اسير من نوع ثاني .ما كنت اقدر اخش المنتدى باسمي لاسباب منتديايه بحته"يعني ما ادري من ايش بس حاولت اصرفها كذا"

واهم شيء ان البيرق طلع ما هو زعلان علينا وبس لاننا ما نقدر على زعله والله .........

واما اخونا ساهر فاسمح لي ان ارحب بك بعد الزحمة :D فاقول :

يامرحبا ترحيبة تسبق الفار ** لاسار في دربه ثلاثين بسه :D

واما مهرااااااااس ههههههههههههههههههههههه

والله كان ودي انك سجلت الموقف عشان يصير فيلم "تهامي في مطار الملك فهد " :D او "تهامي رايح جاي" :D:D


واما سؤالك اخي مهراس والله ما عرفته انا بالنسبة لي ما بافرط في اي عضو حتى لو اني ما احتاجه :D "نذالة "

يالله من يجاوب حبيبنا مهراس
هاه
ترا رفعته اذكركم بي