القصّـــه حقيقيـــــه مع بعض التمليحات والبهارات على قولة مهراس . .

استيقظت صبيحة هذاك اليوم على صوت شي يصفر اشغلني طول الليل وكل ماصحيت سكت والا مني غفيت شوي بدأ في التصفير قلت ياولد مالي الا اسوي نفسي نايم واشوف منين يجي هالتصفير :D

وبعد جهد وعنا طويلين اكتشفت ان هالتصفير من خشمي حيث كنت مزكم ومنسد خشمي وصار يرطن أنواع التصفيرات



عاد انا من الازعاج ماقدرت انام قلت ياولد ليه ما اصحصح وأقوم أخلص الشغلة اللي عندي <----- لقيت لك تصريفة



وفعلا قمت ورحت اخذ لي شاور ( للي مايعرفون معناها يعني افطر ) وبعد ماتسبحت نقعت وجهي بموية حارة ( مدري ليه كل ماصحيت من النوم يغدي وجهي مثل الخبزة اللي توها طالعة من الفرن )
وبعد ربع ساعة رجع وجهي لحجمه الطبيعي (( الحمدلله ))



المهم لبست ثيابي وركبت سيارتي


وبينما انا واقف عند الاشارة والا والله يوقف جنبي هذاك الموتر اللي فيه وحدتن تقول أنا , يعني تشق الوجه شق ( من الجمال )


شوي والا يوم اشرت لي بس مو بالمنديل عشان ماأقول انا ناسي لكن فستانها كحلي طويل
>>بدينا بالنصب والا وش دراني انه كحلي طويل


المهم هي تأشر لي تقول وقف . أصلا هي ماامداها ترفع يدها الا انا قد نزلت من السيارة والله واطق الترسيمه واروح لهــــــا :D


ويوم وقفت عن دريشتها وامزعها بأبتسامة جانبية على تنعيسة عيون بذمتي حتى السواق فتح معي منها :D


البنية المسيكينة واضح انها تفاجأت بها الجمال لدرجة انها تلعثمت بالكلام وصارت ماتجمع تخيلوا انها سألتني وش اسم امي ؟؟؟؟!!!!!!!!!!! (( نصاب بس مشّـــــوها هالمره :D ))


طبعا انا لما شفتها بهاالحالة تذكرت كلام الدكتور حقي يوم قال لي لا تخلي اللي اول مرة يشوفك يطول وهو يناظرك لانه ممكن يفقد السيطرة على احساسه وتجي النتيجة عكسية للي جنبه ويشوتها وتجي هدف

<--------- متأثر بكاس العالم

وعلى طول تلطمت وقلت لها ياعزيزتي ماعليه ركزي وقولي وش تبين بالضبط ؟؟؟؟؟ جلست المسيكنة تجمع قواها عشان قواها كانت حارة وانكبت على الفستان حقها :D




وبعد مانتهت من تجميع قواها تنحنحت وقالت : قدر الله على زوجي وسوى حادث وكان معة ثلاثة وهو مسجون وعلية دين ثلاثمية الف ونبي المساعدة الله يجزاك خير ...... كانت امنيتي في ذيك اللحظة ان الأرض تنشق وتبلعني


وطلعت المقسوم وعطيتها وتوكلت على الله ومشت وجلست انا ادور كيس عشان القط فيه وجهي اللي تناثرت اشلاءه ارباً ارباً على قارعة الطريق ... وبعد ماجمعت وجهي رحت لموتري


وتوني ابركب الا اللي موقف وراي دوريه


ونزل منها واحد برتبة جنرال وجاني وهو مسوي لي فيها معصب , وقال : انتا فين تشتغل هاه انتا ماتدري انك واقف في مكان ممنوع الوقوف فيه .....
يالله جيب الروخصة والاستمارت ( هو يقولها كذا مالي دخل انا ) والله ماقصر الرجال لزخني بقسيمة










مايستفاد من القصة :
1- اني رجعت للبيت وما خلصت الشغل اللي انا قايم عشانه ...
2- اذا رأيت أنياب الليث بارزةً فلا تحسبن أن الليث يبتسمُ.
3-تعّود دائماً على مواجهة الحقائق المُرة ولا تيأس فالحياة مليئه بجميع الأشكال الزينه و الشينه مظهراً أو جوهراً.

وسلامتكم


اخوكم الملكي