بسم الله الرحمن الرحيم

والسلام عليكم ورحمه الله وبركاته ...


اليوم نحكي لكم معانات ارامكوا ... وسنه من التسحيب ...

على كل جهه وصوب ... وما لها من طب وطبيب ...


اقول لكم ... طبعاُ النااس كلهم اول ما يتخرجوون من الثانويه ...


اول تفكريهم ارامكواااااا ... وانا بما إني واحد من الشباب ...

قلنا سم بإسم الله ومع الخيل يا شقرا ...

وإن حصل لنا النصيب أهلا وسهلا ... وإن ما إنكتب زرق ما هو لنا ...


المهم كشتنا وطبعاُ ما حد يروح في سياره لحاله ...

وكان موعد اللقاء والتجمع مع شباب المدرسه وأصدقاء الدراسه ...


عند بوابت ارامكوااااا ...

ومن الفرحه ... وعلى شان ما حد يسبقنا ...

رحنا الساعه 11 في الليل ... يالله في العقل ... تقديم 11 بالليل ...

المهم على وعدنا عند البوابه... نلاقي الشباب ...

وطبعاُ شف الزحمه اللي صارت ... وعينك ما تشوف إلا كل واحد

فاتح الحوض(( حوض السياره طبعا )) وتكيه فيها ... واللي فيه خير

يقرب من البوابه ... اكثر من 30 واحد ... ومع بعض ...

مين واحد صاحي يقرب ولا يتحرش ...

المهم من 11 إلى 6.0 الصبح وحن عند البوابه ...

وجت ساعه الفرج والأمن الصناعي موجود ...

على شاااان بس يفتح البوابه الأولى ... بس جا الأمن الصناعي ...

ونركب في 2 ددسن الصندوووق فل ...

وعلى البوابه الثانيه ... وخذ لك مناقز من الصندووق ...

وراعي السياره وقف سيارته وجانا ... ولا حن مكانك سر ...

مقفلين البوابه الثانيه ... اللي عند شؤون التوظيف ... واقعد بها عد ...

جت لك الزحمه أما ذالحين ... وكلهم عند الباب ===> او الشبك ..

يبوون يصلون كلهم اول واحد ... كيف لا تسألوون ...


المهم لين الساعه 8 ما بين شد وارخي ... مره واقف مره قاعد ...

مره اوقف قاعد

المهم فتحو البوابه للحشد الغفير من الطلاب اللي يون يقدمون ...

وفي مقدمتهم اخوكم في الله ... ولو تتأخر ولا تتسحب ...

ما تدري ولا الدف من وراك ... فكنت اول من وصل للباب حق المكتب ...

وعينك ما تشوف إلا النور ... وبقدرت قادر ... ولا إخوكم بعيد من الباب

ما صرت اشوفه ... كيف مدري ==> بس والله اعلم إن الجسم مو لين هناك ما فيه جسم يساعد على الدف والرفس ...


المهم :::: ركزوا على هذي ::::

لما تشوف منظر الطلاب وهم يبوون يقدمون ... تكتشف انهم كلهم

يشجعون المنتخب:D كيف انا اقول لك كيف ...

اللبس : ثوب اللون أبيض واللي طااح إنتم اعرف وش صار لونه ...

والشماغ ماله داعي في الوقت هذا ...حر ورايح تدور رزق مو رايح تغازل..


جينا للمهم ::::: الملف الأخضر العلاق ::::::

وهذا اللي يخليك وانت تشوفهم زي المشجعين قبل المباراه ...

متحمسين وكل واحد يدعي إن الله يوفقه ...


وبعد التقديم تشوفهم : زي هزيمتنا من ألمانيا ... يجرون الخيبه والكدر ...

ويسبون ويلعنون كل ما فيه تقديم ...
المهم هذاك اليوم تمكنت من الدخول بعد أن سوينا مجموعه مدرعه ...

ودخلنا كلنا ... او اللي بقي منا برى ...

وبين دف ووخر عني وقدم خويك ... وقدمني زي ما قدمتك ...


قدرنا ندخل ... وقدرت أدخل ...

أخرتها جبروا بخاطرنا ... وجبروا بخاطري ...

لأني كنت خايف واحد شاطر ودافووور زيي ... يضيع من بين إيديهم ...

بعدين هم الخسرانين ... وين بيلقون واحد مثلي ... المهم عطيناهم الملف الأخضر ... والله فكنا منه ...

وقالوا لنا إنتظروا منا إتصااال ... وحلني متى بيكلمون ...

المهم مع الوقت كلموا ...

ومن الفرحه قلنا بس قبلونا ما قلنا لكم مايفرطون في واحد شاطر مثلي

ورحنا لهم وكملنا الأجراءات ... والأوراق ...

وعطونا البطاقه حقت دخول الأختبار ...


المهم من الطمعه اللي فينا ... قمنا ورحنا اليوم الثاني على ارامكوا ...

وبلف لخضر علاق ... على شااان نضمن إذا ما في الأولى نصيب ...

إن شاء الله يكتب لنا في الثانيه نصيب ...

المهم فعلن كلموا في المره الفانيه (( الثانيه )) ومن سوء الحظ ::

إن اللي ردت عليهم الكهله (( أمي )) ... ومن فرحتها قامت تخووور ...

وطلعت الأول والتالي ...ووهقتنا ...

المره الثانيه كلموا ما هو حب في ابوي عيون جريئه اللي مقدم مرتين ...


كلموا على شان يقولون ليه مقدم ملفين " يالطمااااع "

المهم طاااااح الوجه ... وجلست ألقط فيه وأجمع نفسي من الشتات ...

وأقول ما مشت عليهم الله يعين وش نقول لهم ...

المهم يوم كان حبل الكذب الأول قصير ...

قلنا ملك إلا تطول الحبل شويه ... وفعلن ... إبليس ما طول ...

كان جالس على راسي ذاك الوقت ...

وعطاني فكره ... الله يلعن إبليس ... ويلعن أفكاره ...

قال لي أقول لهم : أنا قدمت ملف ...

وملف عطيته واحد من الشباب يقدم لي ومدري قدم ولا نوووو ...


الرجاال مشت عليه وصدق ... المهم بعد ما قفل السماعه ...

قمت أناقز من الفرحه ... تقل واحد ملقووص من حيه ...

ولا فيه حكه في ظهره ... وما يقدر يوصل لها ...

رحنا الأختباار وعلى الله توكلنا ... وبسم الله الرحمن الرحيم ...

وعيني على الأسئله ... إنشتاين ... عالم التعقيد ... يوقف يصفق ...

إحترام لهذا الأختبار ... ويقول ما فيه انذل منك على وجه الأرض ...


الأختبارات :

1 - إختبار القابليه (( السرعه ))

يتألف من 50 تمرين في الحساب لكل تمرين 5 إجابات ... ولون

وفي 6 دقايق ... إحسبها عاد

50 ÷ 6 = يعني 8 أجوبه وعليها في الدقيقه ...

س / كم سرعه المخ اللي يحلها ... جاوب ... أتحداك ...


2 - إختبار تحديد المستوى باللغه الإنجليزيه .

يتألف من 60 سؤال لكل سؤال 4 إجابات ... لون الأجابه الصحيحه ...

الوقت المخصص لها 90 دقيقه واحسب .
90 ÷ 60 = دقيقه ونص لكل سؤال .

ما فهمنا عربي وهي 8 أسائله في ساعتين ... خل عد إنجليزي .

3 - إختبار تحديد المستوى بالرياضيات .

يتألف من 37 سؤال ولكل سؤال 4 خيارات .... ولون

والوقت المخصص لها 90 دقيقه ...

هالمره المشكله فيني مو فيهم ...
قسم شريعه ما يعرف في الرياضيات ... غير زايد وناقص







وبعد كل هذا الأختبار واللي أبدعت فيه ... وسويت الي ما حد قد سواه

عصرت المخ وتذكرت مسائل من أول إبتدائي لين خلصت الثانويه ...

المهم :::: عطوناارقاااام قالوا إتصل وإسأل عن النتيجه ::::::

قبل النتايج ماحد يرد على التلفون كله مشغووووول ... وبعد ما نزلت النتايج ما يمديه يرن رنه وحده ولا هم شالوه ... ومجهزين إجابه ...

ساقط ساقط شاقط ...

ودقيت عليهم وقالوا لي ساقط قلت تأكد قال هذي هي قدامي في الكمبيوتر ... قلت مع السلامة ... ومالي نيه اقولها له ...

المهم قلت والله لازم اروح لهم وأتأكد بنفسي ... يمكن يبي يصرفني في التلفون ...

ورحت لهم ومديت البطاقه وباقي عندي أمل ( وأخواتها ) المهم قال لي ساقط ... ويطيح الوجه ... ما هو على شان كلمه ساقط ...

بس على شان المشوار اللي رحته من دون فايده ...





وبعدين مرت الأيام والشهور ... وقبل ما يعلنون عن بدء التسجيل ...
هذا العام بسبوعين مريت عليهم قلت خلنا نشوف فيه تقديم ولا ما فيه


المهم لقيت ورقه معلقه على الباب يفيد إن التقديم على النت ......


دخلت لهم وعن الرسيبشن طلعت الكرت ... ما زلت محتفظ فيه من سنه ... وسلمته لواحد هناك ونادى واحد على الكمبيوتر ...

وقال له شوف نتيجه الرجال:D المهم قال لي إستريح ...

وجلست ... ولما خلص قال لي وينك من العااااام ...

إيش ...ما عاد اسمع وقتها ... موجود ليه ... قال ليه ما جيت تراجع ...

إستغربت وألف من هذي ؟؟؟؟؟؟؟ وهذي !!!!!!!! تحوووس بالمخ ...

قلت له ليش . .. قال انت بس راسب في الأنجليزي ...

وممكن نعيد لك الأختبار ...

في هذا الوقت طااار من نافوخي برجين ... (( لا تفهموني غلط ))

المهم برج : لذاك الرجال اللي قال لي ساقط ... وما علمني في شو ...

والبرج التاني : من الفرحه ...


وقال لي تعال بعد إسبوعين ..قلت خير إن شاء الله ..

وعطاني ثلاث ارقام تلفون ... قال لي إتصل كل بين وقت ووقت ...

وإسأل ... فرحت بالأرقام ويا ليتني ما فرحت ...


على طوووول الوقت مشغووووووول ...

وإذا دق التلفون مره وحده ما حد يرد عليه ...ويرجع من تاني مشغووول


واقول لكم من كل هذي الثرثره والبلبله ... كم سؤال ...

لين متى ظاهرت الملف الأخضر العلاق ... قبل الشهاده ...
لين متى الواسطات تمشى الواحد واللي ما معه واسطه ما يلزمووش ..
لين متى وتلفوناتهم ما حد يرد عليها بس للزينه ...
لين متى
لين متى

وقبل كل هذا ...
اللي ما هو مكتوب لك فيه النصيب ما تاخذه لو إجتمعت الواسطات كلها
واللي مقدر ومكتوب لك بتاخذه لو إجتمعوا كلهم لى مضرتك ماإستطاعوا

الف سؤال وسؤال ما لها إجابه ...

ولو كان فيه واسطه كان ما تعطلت كل هذي العطله ...

:::: إعلان هااااااااام ::::

من يوجد لديه واسطه جامده ما تصد و لا ترد

يتصل علي قبل ما تطير الطيور بارزاقها


ولو إني ما خفت اطول عليكم

كان احكي لكم قصة التقديم في كليه الجبيل ... والمعاناة الثانيه


هذا وتقبلوا تحياتي وأشواقي لكم بعد ألوان موضوعي وبحرارت موسم الصيف بالشرقيه
اخوكم / عبدالله بن عبدربه الزهراني