قصيده من شعر صاحب السموالملكي الامير خالد الفيصل بن عبد العزير
في وفاه والده المرحــــــــوم باذن الله الملك فيصل بن عبد العزيز ال سعود:

لاهنت ياراس الرجاجيل لاهنــــــــــت

لاهان راس في ثــــــراء العود مدفون

والله ماحطك بالقبــــــــر لاكن امنـــت

باللي جعـــــــل دفن المسنين مسنون

منزلك ياعـــــــز الشرف لو تمكنــــت

فوق النجـــــوم اللي تعلت على الكون

سكنت دار المجد ياشيخ وسكنــت

شعبك معك في منزل العز ممنــــــون

صنعت العهد ياوافي العهـــــد ماخنت

علمتنــــا وشلون الاشراف يوفــــــون

كم ظالمــــا عاداك واعفيت واحسنت

واخلفت ظن ادموع ناس يضنــــــون

شلت الامانه حافظـــا ماتهــــــــاونت

شفنا بك ارجال على النفس يقوون

ياللي طلب علمك بالحب زينـــــــــت

عرشك بتاج اقلوب شعب يحبـــــون

لوون تاج الملك ماقد تلونــــــــــــــت

ماغرتك دنياك ماصرت مفتــــــون

بالصدق والمعروف والصبر كـــــــــونت

منهاج فيصل منهج اللي يعرفـــــون