هذه قصيده قالها صالح بن عزيز قالها تقريبا عام (1404هـ ) تقريبا

يقول فيها


صالح يقول يوم جمعه صافي جوه =قابلت غرو صغير السن واشفاني
واقف على البير وأنا جيت من توه =سلمت رد السلام بصوت رناني
فقلت من فضلك إعمل خير ومره =عطني من الماء تراي القلب ضمياني
فقال مانسقي الضامي من ضموه= والبير ماهوب يسقى كل عطشان
هذا الي عندنا واللي معك سوه =ياحيلة الله وبش هذا البلد جاني
قلت اذكر الله وحبال الزعل طوه =قصدي تسوي معي معروف وإحساني
وإن كان لك شرط قلي شرطك إيشهوه= وأنا ترى مستعد أفديك باعياني
وإن تغليت لاحيـــــــــل ولا قـــــــوه =ماعاد الاول يراعي خاطر الثاني
قالت انت اكيد إن قلبك تلتهب ضوء= قلي من انته وبعد القول بإمكاني

طولت عليكم بس تحملو وكملو البقيه
أسقيك واعطيك قلب بالهوا توه =توه على فطرته غرو بالالحاني
فقلت يابو شفايا حمر محلــــوه =إنقذ صويبك وهذ إسمي وعنواني
شكك وقال لاتحتال وتمــــــوه= قول الحقيقة وراعي الصدق ربحاني
نويت باحلف عداد القطر من نوه= لكن تراجع خفيف الدم واسقاني
قرب وهو كان بيني وبينه إمتوه =واعطاني العهد وأنا اعطيته إيماني
وقال لي تفضل وقلبك لا ضمى روه =وارسل بيمناه كاس الحب واعطاني
انا أعشق الزين لاأعذرب ولاأشوه= ربي خلق في الجمال أشكال وألواني
لكن بالذوق والاخلاص والخوه =ذاك أجمل إنسان حاكيته وحاكاني

هذا مابغين اقول لكم من كلام صالح بن عزيز الحلو وسلامتكم