حاضرين يااخت منيره وهذي بعض الأمثال اللي حافظها

اولاً الله يحييك وياليت تستمرين معنا
فتفيدين وتستفيدين.
وهاك بعض الأمثال .

1-يلا ضربت خشميه دمعت عيونيه:::وهو مثل يضرب للقريب حيث انه لاغلط يغفر له بحكم قرابته

2-إما حبا ولابرك ولا سعا وكسرك::يضرب في التفريط بالخير والشر

3-اول المطر الرشاش:::يضرب للأمر الصغير ويتولد منه الأمر الكبير

4-ايش ياخذ الفار من البيت الخالي:::وذلك ان بيت الفقير لايجد الفار فيه شئ

5-ايش الديك وايش مرقته::يضرب في احتقار الشئ وتصغيره

6-إذا فاتك اللحم اشرب مرقته::يضرب في العوض عن الشئ بماهو دون منه

7-بطنك مايسع مد عصيده::::يضرب في الحث على كتمان السر

8-البس يحب خانقه :::يعني إذا اذللت اللئيم يحبك وإذا اكرمته كرهك
وترا يااخت منيره هذا المثل يااااااااااكثره بين الناس

9-رمية خبل من راس جبل:::يعني رميه من غير رامي

10-صك بابك وصن جارك:::يضرب في طلب الستر

11-كما الجراده عينها عند رجلها:::يضرب لمن يدقق على قريبه

12-الزم لي واقطع لك:::يضرب لأهل المصالح

13-جاء يدلدل يديه::::يضرب لمن جاء فارغاً لم يقض طلبه

14-الجار للجار ولو جار

15-جزاء المعروف سبعة كفوف::لإنكار المعروف

16-حمار العسل::يحمله ولايذوقه

17-حجر جله::يضرب للرجل إذا استثقل امر

18-حسيل العبيد::يضرب لمن لايعتني به .


هذا والله اللي يحضرني الآن لكن انتي تصفحي المنتدى
وبتلقين امثال مثل هذي واحسن منها ......

مشكووووووور ياحنش ..

بس ياليتك شرحت وش معناهم اكثر .. والله اني بغيت اتوهق مع مثل (( حسيل العبيد )) .. انا فهمت المعنى .. بس مدري وش المقصود ...
وانبسطت .. وكتبته اسمي بالماسنجر .. احسبه شي زين
هههههههههههههههههههه

وبعدين احد الاخوان الله يعطيه العافيه علمني وش المقصود ...

والله طاح وجهي

على الي فهمته ان الحسيل هو صغير البقر .. وضرب هالمثل .. لان حسيلات العبيد ماحد يعتني فيهم ... لان اصحابهم ماعندهم الامكانيه .. صح؟؟

بس فيه مثل (( حجر جله )) ... مافهمت وش معناه .. ياليت توضحه .. لاني استحيت من كثر ما اسأل

:D

ما هو الهدف من نشر هذة الامثال

حلو الموضوع بس امثله حنش احلى

حسيل العبيد

حلووووووووووووووووووووووووووه يا حنش