قالت ابغى اسال سؤال وألأجابه عندك انت
قلت هاته يمكن اقدر لو بأحساسي اجيب
***
قالت انا ليش احبك ليش في بعدك تعبت
قلت انا والعالم الله لان قلبي لك قريب
***
يمكن انك يوم شفتي في عيوني ما كتمت
اشتعل قلبك بحبي ونعكس مني لهيب
***
لو عرفتي وش بقلبي يحترق فيني بصمت
كان جاوبتي بنفسك عن سؤالك ها الغريب
***
قالت اطربني وقول لي وش في اعماقك رسمت
قلت لك رسمه بقلبي كل شي فيها عجيب
***
قالت اطربني بعد هات وش فيني كتبت
قلت لو هي عا الكتابه كان شفتيني خطيب
***
المشاعر كلها لك جت عيونك وارتمت
كل مافي داخلي لك ملك مادونه طليب
***
وابعيوني شي ثاني يلتهب لوما حكت
كل نظره من عيوني كنها ملك الحبيب
***
لك رسمت النور صوره بس نورك فيه ذبت
في عيونك والحواجب كل ها الكون الرحيب
***
والا جسمك واتزانه كل ما قمت او قعدت
فيه رزه فيه هيبه كل من شافه يهيب
***
وابخطاك الثقل كله والدلع كل ما خطت
صوت خطواتك تناسق كنه اللحن الطريب
***
لو بغت تغفي عيوني شفت روحي لك سرت
ما قعدت الا وقلبي ما الجسد اصبح سليب
***
وان قعدت او قلت بنسىما دريت الا ذكرت
قامت احروفي تسابق بالمقاصد ما تصيب
***
وان ذكرت انك بعيده كني اعن الوعي غبت
عشت غيبوبه بحسره ما يفيقني الطبيب
***
فيني احساس التملك واعتقد اني ملكت
كل شيٍ في حياتك بس عاندنا النصيب
***
ودي احكي زود عنك لا تقول اني تعبت
ودي اوصف كل همسه بس مقصات الرقيب
***
كل هذا او تنشديني اعتقد اني اجبت
واعترف لك بالحقيقه ان قلبك لي نسيب