جحا المنتهي

هلا والله بالجميع


قبل كم يوم قريت قصه للمنتهي جحا


صراحه اول مره اكتشف ان الأولين يحششون


عاد قلت ابكتب لكم القصه بأسلوبي وان شاء الله تعجبكم




هذا جحا كان يمشي بالسوق اعتقد في الغنيم مول المهم وهو يحوس ويدوس من محل لمحل ويتفرج ويتعطر ولا يشتري .. فجأه جاه واحد يركض وسطر جحا بكف

مسكه جحا بيطقه

قال الرجال اسف احسبك فلان

قال جحا وين اصرفها فيه اسف


جلسوا يتهاوشون جحا والرجال

تجمعوا الناس عليهم وقالوا مالكم الا تكلمون المرور قصدي تروحون للقاضي

راح جحا والرجال للقاضي


يوم دخلوا على القاضي صار الرجال يقرب للقاضي


المهم قال القاضي وش سالفتكم انت وياه


قال جحا للقاضي القصه من اولها لاخرها


قال القاضي اهااااا


وحكم القاضي على الرجال انه يدفع لجحا 20 يورو

وقام القاضي وغمز للرجال

قال الرجال بس يا قاضي ما معي فلوس الحين


قام القاضي وغمز للرجال مره ثانيه وقال له خلاص رح جب الفلوس وتعال وجحا بيقعد عندي لين تجي


راح الرجال يجيب الفلوس وجحا جلس عند القاضي يحتري الرجال يجي .. بس ما كان مرتاح لانه شاف غمزه من غمزات القاضي للرجال وجلس ينتظر ساعه وراء ساعه لين مل وطفش

وتأكد انها لعبه من القاضي


المهم قام جحا وقرب من القاضي يوم وصل عنده سطره بكف لين طارت عمامته وقال له اذا جاء غريمي خذ الـ 20 يورو لك



وش رايكم في جحا؟