قالو علامـك دايـم تقـل زعـلان
وياعل ما انته يا أبو صالح زعولي
قلت اسمحوا لي ياكريمين الايمـان
تراي من نشداتكـم ضـاق جولـي
ولا كل من يبحث ورى سر الانسان
يكشف عن اللي بالضماير يجولـي
ومن قال انا افهم غاية القلب غلطان
القلـب دونـه مبهمـات القفولـي
ولاني على بعض المواضيع شفقان
ولا احط راسي يـم ضـل يزولـي
وامشي مع الطيب على قدر الامكان
ولانيب اطاول شخص مهوب طولي
وانا اليا شفت الاعور وسط عميان
اجنبه من خوف لا يصيـر حولـي
واصد منه مع وسيعـات الاوطـان
لو كان حفيانـه مواطـي ذلولـي
والناس كل لـه محبـه وصدقـان
وكل على محبـوب قلبـه ميولـي
ورجل بلا هيبه مع الناس خسـران
لو ينحسـب مـن رجـال زحولـي
والضحك في وجيه الرجاجيل نقصان
ان كان ما للضحك وقت وأصولـي
هـذا وكـل لـه محبـه وصدقـان
والله فرق ما بين صنـف العقولـي



أعجبتني ونقلتها لكم