هاذي السنه ماهي اشوالك من العام
وكل عام يجي فيه إنقلابة
من لاحسب للسنين ودور الايام
لايامن الدهر إلى منه غدابه
ون كان فات العمر مدركت الاحلام
من شاب ما عاد يرجع له شبابه
كان الفتى للعمل والجهد مارام
يندم ليا صنفوه من الشيابة
اول شبابه يقول الدرب قدام
ماعاد يرجع ليا طال المدابه
الرجل في ذا الزمن يحسب باالارقام
ون كانه اصفار باعوه القرابة
دنيا غريبة وصارت مثل الافلام
ون طال عمرك تشوف اكثر غرابة
النذل له سطوه وهقوه وينلام
وبن الحسب والنسب محدٍ درا به
طارت طيور السما والصقر ماحام
يهابها بعدما كانت تهابه
والذيب يسرح ويضوي بين الاغنام
حتى الغنم ماتخاف امن الذيابة
ذيب الغداري غدا من جنس الانعام
فيها فوارق واساميها تشابة
والمسعد اللي يطبق دين الاسلام
يعمل بسنة محمد والصحابة
اعداد مايركع المسلم وما صام
واعداد من زار بيته والتوا بة
صلوا على اللي محطم كل الاصنام
اللي عليه الكريم انزل كتابة
للشاعر محمد سالم المعلوي [/QUOTE]