مالقيوا نتيجه إلا الأستنكار والتنديد وحملات التفتيش على الضعوف
والطلب من كبار الدول بدعم تلك الدول حتى على حساب دفن
المخلفات النوويه في بلادهم

المهم ماعلينا الموضوع اللي ابغا اقوله اهم من كل تالمواضيع
اللي بحثتها الامم المتحده بمساعدة دركتلات وواوناش العويضه


الموضوع انه في ناس ياكرام الوجيه افلحوا عن ديارهم اما للدراسه
او للعمل او للسفر والهجره او للدشره يعني وكانوا في الديره
مايخوجون والنوم بعد صلاة العشا وعيشة الطيبين وحياة كريمه
افلحوا عن ديارهم وهطاميرهم في خرايطهم وزادهم كراث وخبز نخاله
افلحوا على فطرة الأيمان لاشاف المحتاج اعطاه ولا اذن صلى
ولا تكلم بنيه طيبه ولا قعد رجال تقول لايسكت عن الفايده
افلح الرجال وهو ذاك هروجه من هروج ابائه واجداده وامهاته واجداته
افلح وهو ينطق بكلام اهل الديره بخيره وشره بطيبه وبخبثه
يعني على الفطره الأيمانيه والفطره الجنوبيه
الجنبيه على المثاني والبندق لاحصلت مقمع زهبها واركنها على ظهره
وحمارته ولاابغي اقول علي عنها
انتم معي ذلحين
سافر الرجال برضا ولا بغصب ولانبالغ نقول سافر الرياض ولا جده
ولا الدمام على ايام ارامكو 75% و25%للسعوديه الين جا الملك فيصل
عسا عظامه في الجنه وتفل في وجيههم رحمة الله عليه وعلى من يسمع
وحفظ الله ملوكنا على هذا الدين العظيم والمذهب القويم وروسهم ماتزول
المهم الرجال افلح سكن في الرياض وسكن في يانصريه وهو احسن حي
او منفوحه وهو من الأحياء اللي لاتظاهي في وقتها
او سكن في المربع وكان حي ماحد يقربه من عظمته وسكن الملوك فيه
او سكن في الديره او في المقيبره او البطحا او في حي الأمير منصور
العريجا الأن او سكن في العود او نصب خيمته في المحدود اللي هو الأن
عماير واراضي بالملايين وهو اللي فيه الجسر الملعق
المهم الرجال قعد مع اغلب شئ اقرباءه افلحوا جمعه وحده
مالقيوا لا مسقوي ولا عثري اظطروا يشترون من الهنود اللي كانوا اغنياء
او انهم يجيبون لهم طباخ خشومه واصله شحمة اذنه
ويطبخ وهم ياكلون المهم اللي اشتغل في الديوان الملكي
وسار من كبار الموظفين وياكل احسن اكل وعايش بسط بفضل الرجال الطيبين
واللي افلح اشتغل في ارامكو وسار من كبار الموظفين بعد ماسافر
هولندا او امريكا او بريطانيا ورجع بشكل ثاني الشنب ممسوح والبلاك
في ايد والحشيش في الأخرى والمره الحمرا تحت دغادغه
واللي اشتغل في البريد على ايام عزه وسارت معارفه كثار
ولايقصره شئ لا من قريب ولا بعيد
واللي افلح وهداه الله واشتراله اراضي في العليا المتر بقرشين
وباعها بالملايين ولااقول بالمليارات وسار من كبار العقاريين
واللي هداه الله وكمل دراسته وسار دكتور ومهندس وساروا
اذكاء من مدرسينهم بفضل فطرتهم الطيبه لكن لك عليهم في البلاك
مايفكونه وهذا بلا ابوك ياعقاب
كلهم افلحوا ونجحوا في الدنيا ويعلم الله نجاحهم في الأخره
وواحدا علي عنه على عيشته ذيك ن الصبح يشتغل الين المغرب
وياكل بها ويرقد ومسكين جته الفرص لكن ماعرف لها او انهم ضحكوا عليه
الفلسطينين والارادنه حيث ان ذولي حراميه واقولها في وجيههم
المهم بعد هذي المشاوير الطويله
راح هذا الرجال المغلوب على امره لواحدا من اخوياه اللي كانوا
معه وفتحها الله عليهم وكانوا عايشين معه وربما سلفهم
ومن جماعته افلح يقول وظفوني او سلفوني
يجيك الأنكار ويجيك تاثير السلبي للتطور
يقول لا او ياخي والله اني مشغول او اذا طاب خاطره
شغله قهوجي ويقول لاتعلم انك تعرفني او تقرب لي
وتطوووووووووووول الأعمار باذن الله
ومصير كل واحد يرجع لإهله المهم ذاك اللي انتم تذكرونه
بحمارته رجع على مواتر تهول العقول ورجع وجماعته يقولون
هذا بيسوي ويفعل رجع وكل جماعته يقولون ابشروا هذا مسوول
في البلديه بيسوي لنا طريق او بيفتح عندنا مدرسه او بيتبرع بمسجد
او بيتفح مركز او بيتوسط لورعاننا او او او او ا
ويجي وكله تكبر ومربط الحماره يشتاق لصاحبه
ويبليه الله بكبرياء الوظيفه ويبيله الله بغرور الجانب ويبليه الله بالمسوليه
العمياء اللي بكره بينرمي في تراب
رجع واول كان يقول بفطره طيبه وبعزة نفس مااشتيها
رجع يقول ماابيها وياليته يقولها زي الناس لا يتشاوف بها
يعني المحوا فيه كيف اقول انا خير منكم
ولوجيته وكلمته باللهجه اللي كان عليها استنكر
وانا مااقول انه لايتكلم اقله وش غيرك من اصلك
واذا شاف حد يتكلم بلهجته قال انت ياخي ماتحضرت اعوذ بالله
الناس طلعت سطح القمر وانت باقي تتكلم بهذا الكلام البايخ
عاد المصيبه والطامه العظيمه إذا جااابوه عنده وباهمل انا دورا
الحريم الضلع الأعوج من الموضوع لإن تاثيرهم يبغاله موضوع خاص
لكن حنا على نهج الرجال
المهم جاابوه لبيته في الرياض يتعالج مسكين بعد ماكد وطاح وقام
عشان يوفر لقمة حلال بطيبه نفس لأولاده
جا عند ولده ويشوف العجب السهر وانقلاب الفطره وعدم حترام الكبير
وعدم تاديب للصغير ويشوف العجب بين ولده ومرته من التهكم والسيطره
يقول مالشيبه وينتفلخ صدره ويجيله سكته قلبيه من ماشاف من البلاوي
ويالله يازمن افلح الشيبه والولد يقول الحمد لله مات ماتعذب في المستشفى
وهو كذاب والله ان وده انه يكون في غيبويه ولا يشوف نظراته المأنبه
لكن يعين الله هذا حال الدنيا



ولاتقولون ياحنش سف نثله إلا قلوا ياحنش سف رز واسكت .....